„Það er mik­il­vægt að hafa í huga að þetta stríð hófst í fe­brú­ar 2014 og úkra­ínska þjóðin mun enn þurfa á hjálp að halda þegar því lýk­ur,“ sagði Ljú­bómíra Pe­trúk, stjórn­ar­for­maður Fé­lags Úkraínu­manna á Íslandi, í sam­tali við mbl.is.
Félag Úkra­ínu­manna á Íslandi vinnur nú að því að skipu­leggja flug til Úkraínu þar sem nauð­synjar verða fluttar til flótta­manna.
Ljúbó­míra sagði að hann hafði fundið fyrir miklum stuðn­ingi alls­staðar að, bæði frá Íslend­ingum og lit­háíska- og pólska sam­fé­lag­inu.
„Þetta skipt­ir okk­ur miklu máli,“
Flótta­fólkið býr við raf­magns­leysi og verður hlýr fatn­aður, lýsi og matur sem geym­ist vel meðal þess sem flutt verður út. Þá hefur sölu­stjóri Lýsis tekið vel í beiðni þeirra og Icewear sam­þykkt að gefa þeim afslátt af fatn­aði.
„Okk­ur lang­ar til að hjálpa Úkraínu og við telj­um að þetta sé ekki bara Úkraína sem er í vand­ræðum, held­ur er all­ur heim­ur­inn þátt­tak­andi og er und­ir áhrif­um eða verður fyr­ir áhrif­um af þessu stríði sem Rúss­land hóf.“
Þeir sem vilja styrkja Félag Úkra­ínu­manna á Íslandi er reikn­ings­númer og kennitala hér að neðan:
Banka­númer:0189-26-004211 – kennitala: 421112-0100