Það var rétt upp úr klukkan tíu í gær­kvöldi þegar björg­un­ar­sveit­ar­menn Lands­bjargar fundu týnda ferða­menn vestan við Vatn­jökul.
Ferða­menn­irnir höfðu virkjað neyð­arsendi klukkan fjögur seinni­part­inn í gær sem barst stjórn­stöð Land­helg­is­gæsl­unnar.

Ekki var talið ráð­legt að kom­ast að fólk­inu landeið­ina þar sem færðin var mjög slæm en neyð­ar­sendir­inn sýndi stað­setn­ingu þeirra sem var við Sylgju í vest­an­verðum jökl­inum.
Þyrla var send í verkið en kom fljótt í ljós að skyggni var erfitt fyrir þyrlu­sveit­ina og voru björg­un­ar­sveitir þá kall­aðar út. Ferða­menn­irnir höfðu grafið sig í fönn til þess að leita skjóls og voru orðnir kaldir og blautir þegar björg­un­ar­sveita­fólk fann þá. Hlúið var að mönn­unum og þeir svo fluttir til Reykja­víkur með þyrlu.