Töluvert miklar breyt­ingar gætu átt sér stað hjá lög­regl­unni en Jón Gunn­ars­son dóms­mála­ráð­herra kynnir til­lögur um auk­inni heim­ild lög­reglu að fylgj­ast með fólki.
„Heim­ildir lög­reglu eru í dag mjög tak­mark­aðar, þær mið­ast við að grunur sé um ákveðið brot. Þannig að þegar upp­lýs­ingar koma frá erlendum lög­reglu­yf­ir­völdum um að hingað sé að koma fólk sem sé undir eft­ir­liti þar, þá eru hendur lög­regl­unnar hér bundnar. Það sama á við um upp­lýs­inga­gjöf okkar til erlendra yfir­valda,“ sagði Jón og bætir við að aukin heim­ild til þess að afla per­sónu­upp­lýs­inga sé leið til þess að bregð­ast við ákalli vegna auk­innar skipu­lagðrar brota­starf­semi á Íslandi. Frétta­blaðið fjall­aði fyrst um málið í morgun en drög að frum­varp­inu má lesa á sam­ráðs­gátt stjórn­valda.

Lögregla myndi með þessum til­lögum hafa heim­ild til þess að fylgj­ast með fólki með eft­ir­lits­mynda­vélum, taka af því myndir, afla per­sónu­upp­lýs­inga og veita því eft­ir­för án þess þó að það sé grunað um afbrot. Með frum­varp­inu sé rík­is­lög­reglu­stjóra falið það verk­efni að koma á legg rann­sókn­ar­lög­reglu­deild og grein­ing­ar­deild sem hafi það hlut­verk að koma í veg fyrir bæði land­ráð og brot gegn stjórn­skipan rík­is­ins. Þá sé einnig haft eft­ir­lit með ein­stak­lingum sem gæti stafað hætta af.

Gangi frum­varpið eftir og verði að lögum hefur lög­regla heim­ild til þess að nýta allar upp­lýs­ingar sem hún aflar og býr yfir við almenn lög­gæslu­störf.