Réðust á dyraverði og ökumaður hársbreidd frá því að keyra á lögreglu

Lög­reglan á höf­uð­borg­ar­svæð­inu hafði í nógu að snú­ast síð­ast­liðna nótt.

Rétt eftir klukkan hálf tíu í gær­kvöld var lög­regl­unni á höf­uð­borg­ar­svæð­inu til­kynnt um ofurölvi mann sem var að reyna að kom­ast inn í bif­reiðar í aust­urbæ Reykja­víkur. Í ljós kom að mað­ur­inn var ekki að gera til­raunir til inn­brots heldur var hann ein­ungis of drukk­inn til þess að kom­ast heim. Lögregla kom honum því til síns heima.

Töluvert var um akstur undir áhrifum áfengis eða fíkni­efna á höf­uð­borg­ar­svæð­inu í gær­kvöld og nótt. Einn þeirra öku­manna sem var stöðv­aður í nótt, þegar klukkan var að nálg­ast tvö, var í svo ann­ar­legu ástandi að hann ók á röngum veg­ar­helm­ingi og var við það að lenda á lög­reglu­bif­reið­inni. Öku­mað­ur­inn var hand­tek­inn og fluttur á lög­reglu­stöð.

Lögregla hafði eft­ir­lit með skemmt­ana­haldi í miðbæ Reykja­víkur í gær­kvöld og nótt. Lögregla kann­aði rekstr­ar­leyfi ákveð­ins skemmti­staðar, sem kom í ljós að var útrunnið. Staðnum var því lokað. Á öðrum skemmti­stað þurfti lög­regla að hafa afskipti af dyra­vörðum. Í ljós kom að þeir voru ekki með til­skilin rétt­indi til starfs­ins.

Ráðist var á dyra­verði á skemmti­stað í mið­bænum um klukkan hálf þrjú í nótt. Tveir ger­endur voru hand­teknir og vistaðir í fanga­geymslu lög­reglu. Málið er í rann­sókn sam­kvæmt upp­lýs­ingum frá lög­reglu.

Ofurölvi maður gekk ber­serks­gang í mið­bænum og braut bíl­rauðu. Lögreglu reynd­ist ómögu­legt að ræða við mann­inn á vit­rænan hátt og var því ekki annað í stöð­unni en að hand­taka hann og vista í fanga­geymslu.

Um klukkan hálf þrjú í nótt bár­ust þónokkrar til­kynn­ingar um mann sem var að veit­ast að fólki, skammt frá mið­bænum. Lögregla hand­tók mann­inn þegar hún kom á stað­inn og vistaði hann í fanga­geymslu. Maðurinn er grun­aður um grip­deild, eigna­spjöll og brot á lög­reglu­sam­þykkt fyrir Reykja­vík­ur­borg.

Fleiri réð­ust á dyra­verði í nótt og var lög­reglan á höf­uð­borg­ar­svæð­inu kölluð til vegna slíks atviks. Þegar hún kom á stað­inn neit­aði ger­and­inn að segja til nafns og gat, sam­kvæmt lög­reglu, ekki tjáð sig vits­muna­lega. Því var ekki annað í stöð­unni en að vista við­kom­andi í fanga­klefa og láta renna af honum.