Þegar líða tekur á morg­un­inn fær­ast skil yfir landið og má strax í kjöl­farið búast við hvassri suð­vest­an­átt með skafrenn­ingi og dimmum élja­gangi.
Þá kemur fram á vef Veð­ur­stof­unnar að víð­ast hvar um landið megi búast við stormi fyrir hádegi en þar segir:
„Það eru gular við­var­anir í gildi um allt land vegna hríðar og ferða­langar eru ein­dregið hvattir til að skoða veð­ur­spá, athug­anir og færð áður en lagt er af stað. Í nótt mæld­ust eld­ingar í skil­unum suður af landi og ekki er ólík­legt að fleiri eld­ingar mælist í dag í útsynn­ingnum S- og V-lands“.
Veð­ur­við­var­arn­irnar eru víða í gildi til mið­nættis. Um helg­ina er búist við þónokkuð betra veðri um allt land og gæti hiti náð heilum fimm gráðum á sumum stöðum ef spá gengur eftir.