Fundu skotvopn og skothelt vesti í bíl – Útköllum vegna skotvopna fjölgar milli ára

Lög­reglan á höf­uð­borg­ar­svæð­inu fann skot­vopn, skot­helt vesti og kylfu við leit í bif­reið í gær­kvöldi. Lögregla hafði stöðvað bíl­inn vegna gruns um að öku­mað­ur­inn væri undir áhrifum vímu­efna en átti atvikið sér stað í hverfi 105. Við leit­ina kom í ljós tölu­vert magn af vopnum en einn far­þegi var í bílnum með öku­manni. Lögregla hand­tók bæði öku­mann og far­þega og vistaði í fanga­klefa vegna máls­ins.

Virðist vopna­burður vera að fær­ast í auk­ana á Íslandi en hefur verið fjallað um þró­un­ina þar sem af er ári. Í febr­úar sagði Sig­ríður Björk Guðjóns­dótt­ir rík­is­lög­reglu­stjóri að fjölgun útkalla vegna skot­vopna hafi auk­ist mikið. Fyrir nokkrum árum hafi útköllin verið um 50-65 á ári en í fyrra urðu þau 87 tals­ins.
Grímur Grímsson, yfir­lög­reglu­þjónn, hefur einnig ítrekað að lög­reglan þurfi víð­tæk­ari rann­sókn­ar­heim­ildir þegar kemur að með­ferð skot­vopna hér á landi.