Sjálfboðaliðasamtökin Dýrfinna, sem aðstoða fólk við leit að týndum dýrum, óska eftir sjálfboðaliðum í leit að tíkinni Trýnu, sem hefur verið týnd í tvo daga.
Í samtali við Mannlíf segir forsvarskona samtakanna að mikil þörf sé á fleiri aðilum sem geti haft augun opin og aðstoðað við leit að tíkinni. Hún sé 11 ára gamall sveitahundur sem sé hugsanlega slösuð eftir að hafa orðið fyrir bíl.
Samtökin segja að eigandi Trýnu hafi ekki heilsu í leitina og því sé þátttaka sjálfboðaliða enn brýnni. Einungis tvær hafi komist úr Hundasveitinni.
Í tilkynningu frá Dýrfinnu segir:
„Trýna er 11 ára sveitahundur sem týndist kl. 13 þann 10. apríl frá Lambhagavegi í Grafarholti en býr úti á landi. Hún þekkir ekki bæinn vel.
Hún hefur sést á eftirtöldum stöðum:
Hún hljóp yfir Vesturlandsveginn hjá hringtorginu hjá Bauhaus og varð mögulega fyrir bíl.
Hún sást að öllum líkindum hjá skógræktinni í Úlfársdal og hljóp í átt að Bauhaus um 15:40.
Hún gæti verið mjög hrædd og mögulega slösuð.
Kl. 22 þann 10 apríl sést hún fara upp í átt að Húsahverfi í grafarvogi en sést ekkert eftir það.“
Fólki er bent á að elta hvorki Trýnu né kalla á hana, ef það sjái tíkina. Þess í stað skuli taka mynd eða myndband og hringja strax í síma 854-4666 (Leópold) eða 896-8330 (Kristín Áslaug).
Til þess að taka þátt í leitinni er hægt að skrá sig í athugasemd undir færsluna um Trýnu á Facebook-síðu Dýrfinnu. Viðkomandi verður þá bætt í leitarspjall samtakanna.
Athugasemdir