Kaka með hnetu- og kanilfyllingu

100 g mjúkt smjör
2 ½ dl sykur
2 egg
1 tsk. vanillu­dropar
5 dl hveiti
½ tsk. salt
1 tsk. lyfti­duft
1 tsk. mat­ar­sódi
2 ½ dl súr­mjólk
150 g blanda af pek­an­hnetum og
hesli­hnetum, saxaðar fínt (eins má
nota aðrar hnetur)
100 g púð­ur­sykur
1 ½ tsk. kanill

Hitið ofn í 175°C. Hrærið saman smjör og sykur þar til blandan verður ljós og krem­kennd. Bætið eggjum saman við einu í einu og hrærið vel á milli.

Hrærið þar til blandan verður létt og loft­mikil. Sigtið þurr­efnin saman í skál. Blandið saman súr­mjólk og mat­ar­sóda í annarri skál. Setjið þurr­efnin og súr­mjólk­ur­blönd­una til skiptis út í smjör­blönd­una í nokkrum skömmtum og hrærið rólega á milli.
Setjið helm­ing­inn af deig­inu í smjör­papp­írs­k­lætt smellu­form sem er 24 cm í þver­mál. Blandið saman hnetum, púð­ur­sykri og kanil og stráið yfir deigið. Smyrjið rest­inni af deig­inu
yfir og bakið í u.þ.b 50 mín. eða þar til prjónn sem stungið er í miðj­una kemur hreinn út. Látið kólna áður en kremið er sett ofan á.

150 g dökkt súkkulaði
150 g rjóma­ostur, við stofu­hita
u.þ.b. 2 dl flór­sykur

Bræðið súkkulaði yfir vatns­baði og látið það kólna niður í stofu­hita. Hrærið rjóma­ost og flór­sykur og blandið súkkulað­inu var­lega saman við með sleikju. Smyrjið krem­inu ofan á kök­una og berið fram. Gætið þess vel að súkkulaðið sé ekki of heitt þegar því er blandað saman við rjóma­osta­blönd­una því þá verður kremið of þunnt og til vand­ræða.

Gott ráð er að bleyta viska­stykki með köldu vatni og vefja utan um kök­ur­fomið þegar það er sett í ofn­inn. Hægt er að nota títu­prjóna til þess að festa viska­stykkið utan um formið. Þetta hjálpar til við að kakan bak­ist jafnt og fal­lega og kemur í veg fyrir að hún rísi of mikið í miðj­unni og springi.