Af hverju er regnboginn bogadreginn?

Af hverju er regn­bogi alltaf boga­dreg­inn? Stafar það af lögun regn­dropanna eða ljós­brot­inu?

Við sjáum regn­bog­ann sem boga en í raun­inni sjáum við ein­ungis hluta af hring. Sá hluti hrings­ins sem við sjáum ekki er fyrir neðan sjón­deild­ar­hring. Úr flug­vél eða af háum fjallstindi getur maður verið svo hepp­inn að sjá heilan regn­hring.

Regnbogi sést skýr­ast þegar regn­drop­arnir eru stórir. Við sér­stakar aðstæður mynd­ast tveir bogar, aðal­regn­bog­inn og auka­regn­bogi ofar. Sá neðri er skýr­ari en í þeim efri snýst lita­röðin við. Sá regn­bogi stafar frá ljósi sem hefur end­ur­spegl­ast öðru sinni í regn­drop­unum áður en það berst til áhorf­and­ans.

Regnboginn er kúlulaga

Sól­ar­ljós er sam­sett úr öllum litum og þegar það skellur á vatns­dropa brotna það ójafnt. Þetta myndar lit­ina í regn­boga.

Regn­dropi er ekki dropa­laga heldur kúlu­laga og það skiptir miklu máli varð­andi ljós­brotið.

Megnið af ljós­inu fer þvert í gegnum regn­dropann en hluti þess spegl­ast af kúlu­laga bak­hlið dropans og brotnar svo aftur á leið­inni gegnum hann.

Mælingar hafa sýnt að til­tölu­lega margir geislar koma út úr drop­anum í 42 gráðu horni frá stefnu ljóss­ins þegar það kemur að drop­anum.

Áhorf­andi sem snýr baki í sól­ina og horfir upp í dökk­leit regn­ský sér þess vegna ljós­boga sem einmitt stafa frá þeim regn­dropum sem mynda 42 gráðu horn milli sól­ar­innar og áhorf­and­ans.

Heimild:

Why rainbows are curved