Gabríel er farinn í fangelsi – „Ég ætlaði bara að hitta strákana og svo fara aftur inn.“

„Þetta var bara „win win“ því ég vissi að ég myndi ekki fá dóm fyrir þetta,“ sagði Gabríel Douane Boama, sem strauk úr Hér­aðs­dómi Reykja­víkur í apríl. Gabríel ræddi við Gústa B í þætt­inum Veisl­unni á fm957 en saði hann lögg­urnar ekki hafa veitt honum næga athygli.
„Ég sá að lögg­urnar sem voru í dómnum voru bara sof­andi (á verð­inum) þannig að ég tók bara séns­inn og ég vissi að ég myndi ná að flýja,“ segir hann og bætir við að hann hafi vitað að hann myndi aðeins vera frjáls í nokkra daga. „Ég ætl­aði bara að hitta strák­ana og svo fara aftur inn.“

Segist hann hafa falið sig í skotti á bif­reiðum og farið upp í sum­ar­bú­stað með vinum sínum. Lögregla hand­tók Gabríel í bústaðnum, en þá hafði hann verið á flótta í þrjá daga. Gabríel tekur fyrir það að hann sé stór­hættu­legur glæpa­maður. „Nei, alls ekki. Ég er bara slakur gæi. Ég er almenni­legur við alla sem eru almenni­legir við mig.“ Afplánar hann nú dóm­inn í fang­els­inu á Hólms­heiði en var hann fyrr á árinu dæmdur í átján mán­aða fang­elsi. Dómurinn var vegna end­ur­tekna lík­ams­árása, þjófn­aðar, fíkni­efna­laga­brots og brot gegn vald­stjórn­inni.