Þegar sólin er komin hátt á loft og lundin verður létt­ari hér á norð­ur­hveli fara margir að velta fyrir sér að hreinsa til og gera breyt­ingar. Ein vin­sæl leið til þess er að gera útlits­breyt­ingar á borð við hár­greiðslur, en á sumrin vilja margir létta á makk­anum, eða fara yfir í frjáls­legra útlit.

„Sumarið er tími frelsis og nýs upp­hafs,“ segir Travis Speck, hár­greiðslu­meist­ari á stof­unni Suite Caroline í SoHo í sam­tali við Vogue.

Ef þig langar skyndi­lega til að losa þig við eitt­hvað af hári þínu á sumrin ertu ekki ein. Það getur verið spenn­andi að stytta það aðeins á þessum árs­tíma, þú verður ein­hvern veg­inn létt­ari fyrir vikið.

Samkvæmt Vogue eru hár­greiðsl­urnar hér fyrir neðan þær sem verða aðal­málið í sumar, fyrir þá sem vilja losa sig við nokkra sentí­metra eða prófa nýtt og ferskt, stutt hár.

Úlfaklipping og „shullets“

Mullet-klipp­ing níunda ára­tug­ar­ins hefur komið sterk inn að und­an­förnu, tvinnuð saman við ýmsa aðra stíla, til að mynda svo­kall­aða „shaggy“ eða loðna klipp­ingu. Úlfa­klipp­ingin svo­kall­aða varð vin­sæl á TikTok og hefur bland­ast saman við stíl­ana. Á þessu öllu saman eru ýmsar útfærslur. Það er hægt að fara út í svo­kallað „shul­let“, sem merkir mjúk­legt mul­let. Annar mögu­leiki er graf­ískara „high-low“-mul­let. Þá er það enn styttra við and­litið en síð­ara að aftan og skilin eru skarp­ari.

Iris Law.

Mynd: Iris Law/Instagram

FKA Twigs.

Mynd: FKA Twigs/Instagram

Hjartaknúsara bob-klipping

Þessi er næntís alla leið. Um er að ræða stutta, lag­skipta bob-klipp­ingu sem er klippt styttri að aftan, við háls­inn, en skartar síð­ari lokkum að framan, sem falla í kringum kinn­beinin. Þetta er töff klipp­ing sem er pass­lega létt og áreynslu­laus fyrir sum­arið.

Mariah Krey. Mynd/skjá­skot Vogue

Síðir sveipir

Léttar, lag­skiptar, „shaggy“ klipp­ingar verða vin­sælar í sumar. Þetta er klipp­ing með lág­marks umhirðu sem virkar lif­andi og nátt­úru­leg. Kjörin klipp­ing fyrir ein­stak­linga með nátt­úru­lega liði.

Ho Yeon Jung. Mynd/skjá­skot Vogue

„Gamine-Pixie“

Gamine er hug­tak notað yfir konu eða stelpu sem er dálítið stráks­leg yfir­litum eða í stíl. Þrátt fyrir hug­takið sem Vogue notar til að lýsa greiðsl­unni er þetta að sjálf­sögðu aldeilis kyn­laus hár­greiðsla. Það hefur þó færst í auk­ana und­an­farið að konur biðji um svo­kall­aða „pixie“-klipp­ingu sem minnir á leikkon­urnar Zoe Kravitz eða Léu Seydoux. Töff, djörf, spenn­andi og kröftug.

Zoe Kravitz

Leaa Seydoux. Mynd/skjá­skot Vogue

„Bob“ sem kyssir viðbeinin

Þessi langa og lag­skipta útgáfa af bob-klipp­ing­unni er áreynslu­laus og fal­leg. Lokk­arnir nema við við­beinin og koma sér­lega vel út ef liðir eru í hár­inu. Þessi getur verið með eða án topps og hægt að útfæra með mis­miklum styttum í hár­inu. Það getur verið virki­lega spenn­andi breyt­ing fyrir fólk með síð­ara hár að fara í þessa klipp­ingu.

Laura Harrier.

Mynd: Laura Harrier/Instagram

Selena Gomez.

Mynd: Selena Gomez/Instagram

Flöskuháls-toppur

Þessi toppur er mitt á milli þess að vera vax­inn niður og síður, og að vera stutt­klipptur yfir ennið. Hann er með nátt­úru­legt, afslappað yfir­bragð og styttri lokkar fara síkk­andi í hlið­unum og bland­ast svo rest­inni af hár­inu. Þetta er snið­ugt fyrir þá sem vilja prófa topp en ekki fara í eitt­hvað of graf­ískt. Hann fer líka afskap­lega vel með síðu hári þar sem skilin eru ekki skörp.

Emily Ratajkowsky.

Mynd: Emily Ratajkowsky/Instagram

„Roaring 2022“

Eins og nafnið gefur til kynna vitnar þessi klipp­ing í hinn fjöruga þriðja ára­tug síð­ustu aldar. Stutt og graf­ísk, sem stuttan topp. Þetta er ein­hver blanda af þriðja og átt­unda ára­tugnum. Mikið partí, mikið fjör.

Palome Elsesser.

Mynd: Paloma Elsesser/Instagram

Elle Fanning.

Mynd: Elle Fanning/Instagram.