„Höfum eitt á hreinu: Ef þú trúir því að ríkið hafi eitthvað að gera með leg kvenna, einkalíf eða hjónaband samkynhneigðra, eða að kynþáttafordómar séu í lagi – ÞÁ VINSAMLEGAST, Í GUÐS ÞÍNS NAFNI, ALDREI FOKKING HLUSTA Á TÓNLISTINA MÍNA FRAMAR,“ skrifaði bandaríska tónlistarkonan Pink á Twitter eftir að Hæstiréttur Bandaríkjanna sneri við fordæmisgefandi dómi Roe gegn Wade fyrir helgi, en dómurinn hafði tryggt bandarískum konum rétt til fóstureyðinga frá árinu 1973. „OG FOKKAÐU ÞÉR LÍKA. Erum við góð?“
Þetta kemur fram hjá E-News.
Íhaldssami Hæstaréttardómarinn Clarence Thomas, sem kaus með viðsnúningi Roe gegn Wade, bætti um betur í álitsgjöf sem hann sendi frá sér. Þar sagði hann meðal annars að rétturinn ætti ekki að láta staðar numið þarna, heldur að „endurskoða öll fordæmi réttarins, að Griswold, Lawrence og Obergefell meðtöldum.“ Fordæmin sem hann nefnir tryggja rétt fólks til aðgengis að getnaðarvörnum, samkynja nándar og samkynja hjónabanda.
Tíst tónlistarkonunnar Pink hefur vakið mikla athygli og hafa viðbrögðin bæði verið jákvæð og neikvæð.
Nokkrum klukkustundum síðar sendi hún tveimur öðrum tónlistarkonum kveðju í gegnum forritið, þeim Oliviu Rodrigo og Lily Allen, en þær komu fram saman þennan dag á Glastonbury-tónlistarhátíðinni í Bretlandi. Þær tileinkuðu Clarence Thomas og hinum dómurunum sem kusu með tillögunni lag Lily Allen, „Fuck You“.
„Takk, Olivia og Lily,“ sagði Pink.
frægir
Vilja gera klám-heilmynd af Bandarískri fótboltastjörnu
Dr. Quinn spókar sig á Íslandi: Jane Seymour mætti til landsins rétt áður en gosið hófst – MYNDIR
Jordan segist ósáttur: Sonurinn á í ástarsambandi við fyrrverandi konu Pippen
Jaden Smith segir að mamma hans, Jada Pinkett Smith, hafi kynnt sig fyrir ofskynjunarlyfjum
Twitter-aðgangi Jordan Peterson lokað: „Hann mun aldrei eyða færslunni“
Athugasemdir