Hekla Elísabet um Sólveigu Önnu: „Mögulega, raunverulega, veik af ofsóknaræði?“

„Hérnaaaa… Getur verið að Sólveig Anna sé ekki bara virki­lega léleg týpa heldur líka mögu­lega, raun­veru­lega, veik af ofsóknaræði? Mér er hætt að lít­ast á blik­una hérna,“ segir í twitterfærslu Heklu Elísa­betar Aðal­steins­dóttur, starfs­manns þing­flokks Pírata.

Sam­fé­lags­sam­tökin Jæja, sem lýsa sér sem heim­ili and­kap­ít­al­ism­ans eru ósátt við ummælin og að Sólveigu Önnu sé lýst sem lélegri týpu og veikri af ofsóknaræði.

„Stuðn­ings­fólk Drífu Snædal hefur síðan í gær kvartað yfir óvæg­inni umræðu í garð Drífu. Fáir hafa þó þurft að sætta sig við jafn óvægnar per­són­u­árásir eins og Sólveg Anna sem hefur verið kölluð strengja­brúðu, lyg­ari, klikkuð, van­stillt, galin og vit­firrt svo fátt eitt sé nefnt. Þá hafa and­stæð­ingar Sól­veigar ítrekað líkt henni við Donald Trump. Nú getur hún bætt við að hún sé léleg týpa sem haldin sé ofsóknaræði,“ segir í færslu sam­tak­anna.

Samtökin vilja meina að: „síðan Drífa Snædal upp­lýsti um upp­sögn sína hafa margir úr hópi Pírata og Sam­fylk­ing­ar­innar lýst yfir von­brigðum sínum en kjós­endur þess­ara flokka hafa lítið á Drífu sem sína mann­eskju. Ekki síst eftir að Drífa tók undir og gagn­rýnd harð­lega ákvörðun stjórnar Eflingar um að segja upp öllu starfs­fólki félags­ins fyrr á árinu.“