Enn mikið um nikótíneitranir hjá börnum – Púðum hent á víðavangi

Ekki hefur dregið úr til­fellum nikótíneitrana barna þrátt fyrir varn­að­ar­orð Eitr­un­ar­mið­stöðvar. Mest ber á slíkum eitr­unum vegna nikótín­púða. Þetta kemur fram á vef RÚV.

Athygli var vakin á mál­inu í vor. Eins og kemur fram í frétt RÚV er Eitr­un­ar­mið­stöð Land­spít­ala enn að fá tvö til þrjú sím­töl að með­al­tali á viku vegna ník­ótíneitrana hjá börnum. Um liðna helgi komu tvö börn á spít­al­ann vegna slíkra eitrana.

Helena Líndal, sér­fræð­ingur í klínískri eit­ur­efna­fræði hjá Eitr­un­ar­mið­stöð­inni segir mið­stöð­ina hafa áhyggjur af þró­un­inni. Um mjög eitruð efni sé að ræða og afar hættu­legt þegar lítil börn kom­ist í þau.

Börn kom­ast ekki ein­göngu í nikótín­púða í heima­húsum, heldur einnig utandyra, þar sem fólk hendi púð­unum gjarnan á víða­vangi. Mik­il­vægt sé að biðla til fólks að farga slíkum púðum á öruggan hátt.

„Það væri ekk­ert verra ef það kæmu ein­hverjar reglur sem hægt væri að fylgja,“ segir Helena í sam­tali við RÚV vegna máls­ins.