Ólafía sendir frá sér tilfinningaþrungið myndskeið: „Nú er komið að tímamótum í mínu lífi“

Atvinnu­kylfing­ur­inn Ólafía Þórunn Krist­ins­dóttir hefur sent frá sér til­kynn­ingu þar sem hún seg­ist hætt í golfi.

Ólafía Þórunn, sem hefur verið atvinnu­kylfingur síð­ustu átta ár, seg­ist ætla að ein­beita sér að öðrum verk­efnum, í til­finn­inga­þrungnu mynd­bandi sem hún sendi frá sér í dag.

Ólafía er fyrsti íslenski kylfing­ur­inn sem spilar á LPGA móta­röð­inni, sem er stærsta móta­röð heims. Hún hefur einnig spilað á öllum stærstu kvenna­mótum heims. Árið 2017 var hún útnefnd íþrótta­maður árs­ins á Íslandi.

Ólafía varð Íslands­meist­ari í holu­keppni árið 2011 og 2013, og Íslands­meist­ari í högg­leik 2011, 2014 og 2016.

„Nú er komið að tíma­mótum í mínu lífi,“ segir Ólafía í mynd­band­inu, áður en hún þarf að gera hlé á máli sínu, með tárin í aug­unum.

Hún seg­ist meðal ann­ars ætla að snúa sér að frum­kvöðla­verk­efni, sem hún hafi haft í koll­inum í nokkur ár.

„Það er alltaf mik­il­vægt fyrir mig að gefa eitt­hvað til sam­fé­lags­ins, þannig að ég mun reyna það af bestu getu.“

Hægt er að horfa á mynd­bandið hér fyrir neðan.