Magnús beitti manninn hrottalegu ofbeldi: „Lést af völdum áverka sem torveldaði öndun“

Maðurinn sem var myrtur í Barða­vogi í sumar lést af völdum höf­uð­á­verka og áverka á and­liti sem tor­veld­aði öndun, þetta kom fram í ákæru hér­aðs­sak­sókn­ara. Fjöl­skylda manns­ins krefur Magnús Aron Magn­ús­son, sak­born­ing í mál­inu, um rúm­lega 40 millj­ónir í bætur.Magnúsi er gefið að sök að hafa beitt mann­inn hrotta­legu ofbeldi, fyrst inni á stiga­gangi húss­ins við Barðavog og síðan utan við húsið. Hann er meðal ann­ars sagður hafa sparkað og traðkað marg­sinnis á höfði manns­ins og brjóst­kassa. Í ákærunni segir að mað­ur­inn hafi lát­ist af völdum áverka á höfði og áverka á and­liti sem tor­veld­aði öndun.

Samkvæmt frétt RÚV

and­mælti Magnús verkn­að­ar­lýs­ingu í ákærunni þegar hún var þing­fest í Hér­aðs­dómi Reykja­víkur í vik­unni. Bóta­kröf­urnar í mál­inu nema rúm­lega 40 millj­ónum króna. Magnús Aron hefur hafnað bóta­kröfum systk­ina manns­ins en ekki kröfum barna hans og föður.

Verjandi Magnúsar fór fram á það við þing­fest­ing­una á þriðju­dag að rétt­ar­haldið yrði lokað. Dómari við hér­aðs­dóm hafn­aði þeirri beiðni en með þeim fyr­ir­vara að eitt­hvað nýtt kæmi fram sem gæti breytt þeirri ákvörðun.