Anna Sóley sendir frá sér ell­efu laga breið­skífu, Modern Age Ophelia. Platan er gefin út af Smekk­leysu og kemur út á geisla­disk og á öllum helstu streym­is­sveitum 9. sept­em­ber. Lögin og text­arnir eru eftir Önnu Sóley fyrir utan Tíminn líður sem heitir upp­haf­lega Kind Folk og samið af Kenny Wheeler en Anna samdi íslenskan texta við lagið.

Lilja María Ásmunds­dóttir hann­aði mynd­verkið á albú­m­inu

Einvala lið kemur að flutn­ingi á plöt­unni. Mikael Máni Ásmunds­son spilar á gítar, Magnús Jóhann Ragn­ars­son á píanó og Rhodes, Birgir Steinn Theo­dórs­son á kontra­bassa, Magnús Trygva­son Eliassen á trommur, Lilja María Ásmunds­dóttir spilar á Hljóðskúlp­t­úr­inn Huldu og Tumi Árnason á ten­ór­sax­ó­fón. Rakel Sig­urð­ar­dóttir og Salóme Katrín Magn­ús­dóttir syngja bak­raddir og Strokkvar­tett­inn Siggi spilar inn á tvö lag­anna. Birgir Jón Birg­is­son sá um upp­töku, hljóð­blöndun og tón­jöfnun. Upptökur fóru fram í Sund­laug­inni.

Anna Sóley.

Mynd: Aðsend

Lilja María Ásmunds­dóttir hann­aði mynd­verkið á albú­m­inu. Ágúst Ævar Gunn­ars­son og Kinnat Sóley sáu um umbrotið. Valdís Thor tók pol­aroid myndir af hljóm­sveit­ar­með­limum sem sjá má á albú­m­inu og í texta­bæk­lingnum sem fylgir. Myndin framan á albú­m­inu varð upp­haf­lega skyssa sem Lilja teikn­aði af Önnu sitj­andi við píanóið að semja tón­list sem seinna meir varð upp­hafið af plöt­unni.

Anna Sóley er laga­smiður og söng­kona sem sækir inn­blástur frá marg­vís­legum frá­sögum í lífi og listum. Í tón­list­inni koma saman mis­mun­andi stefnur; módern jazz, grúf, popp og alþýðu­tón­list, ásamt textum með einn fót­inn í raun­veru­leik­anum og hinn í draum­heimum. Þema plöt­unnar eru sögur sem eiga það sam­eig­in­legt að fjalla um mörk milli for­tíðar og nútíðar, raun­veru­leika og skáld­skapar, og kannski einna helst for­vitni­legar per­sónur. Ein­hverjar til­raunir eru líka með ljóða­flutn­ing eða talað mál yfir tóna.

Echo er fjórða smá­skífan af plöt­unni og text­inn inn­blás­inn af sögu úr Ummynd­unum Óvíds, Nar­k­issus og Ekkó. Hér er sagan sögð út frá sjón­ar­horni og innri hug­ar­heimi Ekkó, aðlöguð að draum­kenndum nútíma. Í aðdrag­anda að útgáfu Modern Age Ophelia hefur Anna Sóley sent frá sér smá­skíf­urnar I Just Smile, Brighter Day og 13 Pieces.