Agnes biskup skellir skuldinni á séra Ninnu Sif: „Ég er ekki að setja skilyrði heldur Þjóðkirkjan“

Agnes M. Sig­urð­ar­dóttir, biskup Íslands, sver nú af sér aðkomu að máli séra Gunnars Björns­sonar sem var meinað að sjá um útför konu sem hann þekkti vel. Óskin um þjón­ustu séra Gunnars komin frá kon­unni og syrgj­andi fjöl­skyldu hennar.

Skilaboð séra Ninnu voru afdrátt­ar­laus.

Séra Ninna Sif Svav­ars­dóttir, sókn­ar­prestur í Hvera­gerð­is­kirkju, sagði í smá­skila­boðum til syrgj­enda að Þjóð­kirkjan vildi ekki að séra Gunnar ann­að­ist athafnir í kirkj­unni. Bannið væri „ákvörðun“ Þjóð­kirkj­unnar. „Ég er ekki að setja skil­yrði heldur Þjóð­kirkjan,“ segir Ninna Sif í smá­skila­boð­unum. Nú segir Agnes biskup allt annað og vísar á séra Ninnu.

Í svar­bréfi til Guð­mundar Jóns Sig­urðs­sonar, sonar hinna látnu, segir Agnes ástæðu banns­ins vænt­an­lega vera fram­komu Gunnars „sem rataði í fjöl­miðla fyrir ein­hverjum árum meðan hann var enn emb­ætt­is­maður þjóð­kirkj­unnar“. 

Gunnar er með hreina saka­skrá og það er ekk­ert sem segir að hann megi ekki þjóna, þegar þess er óskað.

Agnes M. Sig­urð­ar­dóttir biskup

Mannlíf hefur ítrekað reynt að fá svör vegna máls­ins frá æðstu ráða­mönnum Þjóð­kirkj­unnar – en þar hefur þögnin nú tekið yfir og engin svör að fá. Mannlíf setti sig í sam­band við séra Ninnu Sif, og spurði um ósam­ræmið í orðum hennar og bisk­ups.

„Ég tjái mig ekki um það mál við fjöl­miðla,“ sagði hún.

Mannlíf hefur undir höndum tölvu­póst­sam­skipti milli bisk­ups og Guð­mundar Jóns er varða málið. Samkvæmt þeim vísar Agnes því á bug að það hafi verið hún sem bann­aði séra Gunnari Björns­syni að þjóna við útför­ina áður­nefndu:

„Sæll Ég votta þér sam­úðar vegna frá­falls móður þinnar. Varðandi erindi þitt þá fól ég starfs­manni að svara því og komst að því áðan að svarið hafði ekki borist þér. Ábyrgð­ar­að­ilar sókn­ar­kirkna eru sókn­ar­nefnd­irnar. Hver sókn­ar­nefnd í sam­ráði við sókn­ar­prest­inn ræður umgengni í kirkj­unni og afnotum hennar. Sókn­ar­prest­ur­inn ber ábyrð á öllum athöfnum í kirkj­unni, líka þar sem aðrir prestar þjóna. Þessir aðilar hafa í umræddri kirkju ákveðið að sr. Gunnar athafn­aði ekki í kirkj­unni. Ástæðan er vænt­an­lega fram­koma hans sem rataði í fjöl­miðla fyrir ein­hverjum árum meðan hann var enn emb­ætt­is­maður þjóð­kirkj­unnar. Kv. Agnes M. Sig­urð­ar­dóttir“

Séra Gunnar Björns­son

Samkvæmt þessu er Agnes biskup að segja að ákvörð­unin hafi verið hjá þeim sem stjórna í Hvera­gerð­is­kirkju og að Gunnar sé snið­geng­inn vegna mála sem hann var sýkn­aður af.

Mannlíf hefur sent fyr­ir­spurn um málið til Bisk­ups­stofu, en þar er það sama uppi á ten­ingnum – engin svör um fram­kom­una við syrgj­end­urna og séra Gunnar. Guð­mundur Jón segir að mál­inu sé fjarri því lokið.

„Ég vil fá það á hreint hver er að segja ósatt og fá skýr­ingu á fram­kom­unni við prest­inn. Þá vil ég að við fjöl­skyldan og séra Gunnar fáum afdrátt­ar­lausa afsök­un­ar­beiðni frá þessu fólki,“ segir Guð­mundur Jón.