Nærri 13% verðhækkun hjá Strætó – „Hafa bókstaflega engan áhuga á að fólk noti þjónustuna“

Um mán­að­ar­mótin mun far­gjaldið í strætó hækka um 12,5 pró­sent. Stakt far­gjald með vagn­inum fer þá úr 490 krónum og upp í 550 krónur. Á sama tíma hækkar mán­að­ar­gjaldið fyrir nem­enda­kortin úr 4.000 krónum á mán­uði upp í 4.500 krónur.Í til­kynn­ingu frá Strætó er lögð áhersla á að gjald­skráin hafi ekki hækkað frá ára­mót­unum 2020 og 2021 en nú sé nauð­syn að hækka verðin til að mæta kostn­að­ar­verð­hækk­unum, meðal ann­ars hækk­uðu olíu­verði.

„Ávallt er reynt að stilla öllum verð­hækk­unum Strætó í hóf og er hækk­un­inni ætlað að draga úr þörf á frek­ari hag­ræð­ingu í leið­ar­kerfi Strætó á höf­uð­borg­ar­svæð­inu. Jafn­framt munu sveit­ar­fé­lög á höf­uð­borg­ar­svæð­inu skoða að styrkja rekstur Strætó frekar en gert var ráð fyrir í fjár­hags­á­ætlun árs­ins 2022,“ segir í til­kynn­ing­unni.

Stígur Helgason er einn þeirra sem gagn­rýnir starf­semi Strætó á Twitter í dag: „Maður fær á til­finn­ing­una að stjórn og æðstu stjórn­endur strætó hafi bók­staf­lega engan áhuga á að fólk noti þjón­ust­una. Jafnvel að það væri bara þægi­legra fyrir þá að fækka not­endum og draga þannig úr álagi á sjálfa sig,“ segir Stígur.