„Það er ekki í lagi með fólk, ég sver það,“ segir Venus Vala nokkur í færslu sem hún skellir inn í fjöl­mennt sam­fé­lag hunda­eig­enda á Facebook, Hunda­sam­fé­lagið. Ástæðan fyrir gremju hennar er athuga­semd sem veg­far­andi gerði á dög­unum við hunda­hald hennar í mið­borg­inni.

Venus Vala lýsir því sem fram fór þeirra á milli í færsl­unni:

„Ég var kölluð dýra­níð­ingur af ein­hverri kell­ingu niðrí bæ í gær­kvöldi því hund­arnir mínir voru íúlpum. Sem þeir biðja um að fara í og neita að fara út án þeirra þegar hit­inn dettur niður fyrir 10° gráður. Mér brá bara pínu að það væri allt í einu gargað á mig og ég ásökuð um dýra­níð þegar hund­arnir mínir eru lík­lega ofdekruð­ustu hvuttar í vest­ur­bænum. Það væri dýra­níð að hafa þá ekki í úlpum,“ segir hún.

Venus Vala á þessa fal­legu hunda sem klæð­ast úlpum þegar kalt er í veðri.

Þegar þetta er ritað hafa 116 ummæli verið rituð undir færslu Venusar. Flestir þeirra furða sig á hegðun kon­unnar sem gerði athuga­semdir við klæða­burð hund­anna. Birgitta er ein þeirra. „Ja hérna þessi hefur greini­lega ekk­ert vit á hundum. Hvað þá þess­ari teg­und. Já fólk stundum,“ segir Birgitta.

Og Siggi tekur í sama streng. „Vá en weird fram­koma ad öskra á þig random. Fólk getur haft efa­semdir um ýmis­legt en kannski hægt ad spyrja bara er þeim ekk­ert of heitt frekar en ad garga á þig. Ruglið,“ segir hann.