Sigríður Björk Guðjónsdóttir ríkislögreglustjóri hefur sagt sig frá rannsókn á meintri skipulagningu hryðjuverka. Ástæðan er sú að ættingi hennar tengist málinu á einhvern hátt.
Líkt og Mannlíf hefur áður greint frá rekur Guðjón Valdimarsson, faðir Sigríðar Bjarkar, vopnasölu á netinu. Lögreglan heldur mjög að sér upplýsingum um málið og það á einnig við um ættingja Sigríðar sem er astæða þess að hún sagði sig frá málinu. Lögregla vill ekki gefa upp hver ættinginn er, né á hvaða hátt hann tengist málinu og því er allsendis óvíst hvort afsögn rikislögreglustjóra í hryðjuverkamálinu tengist Guðjóni eður ei.
Við rannsókn málsins hefur lögreglan farið í 17 húsleitir og lagt hald á um 60 munum með rafrænum gögnum á borð við síma og tölvur. Hafa gögn úr þeim verið send lögregluliðum erlendis, bæði á Norðurlöndum og Europol. Ekki vildi lögreglan gefa upplýsingar um grun um tengsl grunaðra við erlenda öfgahópa né aðdáun þeirra á Anders Behring Breivik.
Lögreglan hefur handtekið fleira fólk en þá fjóra sem upprunalega voru handteknir en aðeins tveir eru nú í gæsluvarðhaldi.
Við vinnslu fréttarinnar var ítrekað reynt að ná á Guðjón en slökkt var á farsímanum.
Athugasemdir