Anna Kristjáns óttast um líf nágrannans: „Um leið get ég ekkert gert“

Vél­stjór­inn fyrr­ver­andi, Anna Krist­jáns­dóttir, er orðin ótta­slegin um afdrif nágranna­konu sinnar frá Frakk­landi. Þær tvær hafa reyndar eldað grátt silfur saman frá því að Anna flutti til Tenerife en nú er svo komið að vél­stjór­inn á eft­ir­launum vonar að ekk­ert hafi komið fyrir þá frönsku.

Þetta kemur fram í nýjasta pistli Önnu á Facebook þar sem hún fjallar um líf sitt á eyj­unni fögru:

„Ég er farin að hafa áhyggjur af frönsku nágranna­konu minni. Ég hefi ekk­ert séð til hennar í nokkra daga og enga hreyf­ingu á svöl­unum hennar. Minnug þess hvernig fór fyrir Guðna Má vini mínum fyrir ári síðan ótt­ast ég hið versta. Um leið get ég ekk­ert gert,“ segir Anna og heldur áfram:

„Hún er örugg­lega með sex lása fyrir svala­dyr­unum og annað eins fyrir úti­dyr­unum enda þjóf­hrædd með afbrigðum, hringir í lög­regl­una í hvert sinn sem henni finnst eitt­hver hreyf­ing vera á svöl­unum sínum sem aldrei á sér stað og er í því að klaga allt og alla sem henni finnst vera á móti sér, en samt. Hún er næsti nágranni minn, Vonum samt hið besta.“