Þetta þáði Bankasýslan að gjöf á einu ári – „Heitir þetta ekki mútur?“

Í aðdrag­anda söl­unnar á Íslands­banka bauð bank­inn Jóni Gunnari Jónssyni, for­stjóra Banka­sýsl­unnar, tvisvar út að borða. Í fyrra skiptið var reikn­ing­ur­inn upp á 34 þús. kr. á mann og í seinna skiptið hljóð­aði reikn­ing­ur­inn upp á 48 þús. kr. á mann.

Þetta kemur fram í minn­is­blaði Banka­sýsl­unnar til Alþingis. Í minn­is­blað­inu kemur fram að Jón Gunnar borð­aði tutt­ugu sinnum í hádeg­inu í boði hags­muna­að­ila, en það kemur ekki fram hversu háir reikn­ing­arnir voru. Eina sem er vitað er að Jón borg­aði ekki reikn­ing­ana sjálfur og það gerðu ekki heldur þeir starfs­menn Banka­sýls­unnar sem með honum voru í för.

Píratinn Björn Leví Gunn­ars­son birti á Facebook-síðu sinni úr minn­is­blað­inu til þings­ins og undir þræð­inum spyrja ýmsir: „Heitir þetta ekki mútur?“:  Hér fyrir neðan má sjá hvað það er sem Jón Gunnar og félaga hjá Banka­sýslu rík­is­ins þáðu á því ári sem um ræðir:

Frá 23. apríl 2021 og til 13. apríl 2022 átti Banka­sýsla rík­is­ins 20 vinnufundi þar sem veit­ingar voru í boði með ýmsum fjár­mála­fyr­ir­tækjum. Starfs­menn stofn­un­ar­innar áttu ekki slíka fundi með neinum öðrum aðilum. Þessa fundi átti stofn­unin með eft­ir­töldum fjár­mála­fyr­ir­tækjum (í staf­rófs­röð): ABN AMRO, Arctica Finance, Barclays, Fossar mark­aðir, Íslands­banki, Íslensk verð­bréf, Íslenskir fjár­festar (nú ACRO verð­bréf), Kvika banki og Lands­bank­inn. Þessir vinnufundir áttu sér yfir­leitt stað í hádeg­inu, þ.e. aldrei kvöld­verð­ar­fundir, og var um að ræða hóf­legar veit­ingar í sam­ræmi við það. Kostn­aður við veit­ingar á hvern þátt­tak­enda var því óveru­legur.

 Máls­verðir í tengslum við frumút­boð

Til að fagna frumút­boði á hlutum í Íslands­banka, sem lauk í júní 2021, voru haldnir tveir kvöld­verðir, sem starfs­menn Banka­sýslu rík­is­ins sóttu.24. sept­em­ber 2021Kvöld­verður með fyr­ir­tækja­ráð­gjöf og verð­bréfa­miðlun Íslands­banka. Kostn­aður á hvern þáttak­anda var um 34 þús­und kr., sem greiddur var af bank­anum. (For­stjóri og starfs­menn).30. nóv­em­ber 2021Kvöld­verður með full­trúum þriggja umsjón­ar­að­ila, tveggja fjár­mála­ráð­gjafa og þriggja lög­fræði­legra ráð­gjafa. Kostn­aður á hvern þátt­tak­anda var um 48 þús­und kr., sem var greiddur af þremur umsjón­ar­að­ilum útboðs­ins.(For­stjóri og starfs­menn).

Tæki­fær­is­gjafir

Eft­ir­far­andi tæki­fær­is­gjafir voru gefnar um jól og ára­mót 2021 til að þakka fyrir gott sam­starf í tengslum við frumút­boðið fyrr á árinu. Í öllum til­fellum var um að ræða gjafir til starfs­manna stofn­un­ar­innar frá eft­ir­töldum aðilum (í staf­rófs­röð).Frá ACRO verð­bréf­um­Vín­flaska. Kostn­aður var um 4.000 kr.Frá Íslenskum verð­bréf­um­Tvær vín­flöskur. Samtals kostn­aður var um 8.000 kr.Frá Lands­bank­an­um­Konfekt­kassi. Kostn­aður var 4.067 kr.Frá lög­manns­stof­unni BBA/FjeldcoKokteilasett. Kostn­aður við hverja jóla­gjöf var um 20 þús­und kr.Frá verð­bréf­miðlun og fyr­ir­tækja­ráð­gjöf Íslands­banka­Stöðluð jóla­gjöf bank­ans til stærri við­skipta­vina þess­ara deilda. Ein létt­víns­flaska og smá­réttir. Kostn­aður við hverja jóla­gjöf var um 14 þús­und kr.Frá vini for­stjóra, sem starfar hjá fjár­mála­fyr­ir­tækiFlugeldur. Kostn­aður var um 2.500 kr. Þetta hefur verið stað­fest sem vina­gjöf af við­kom­andi ein­stak­lingi.