Lögregla hefur handtekið fjóra vegna hnífstunguárásarinnar á Bankastræti Club í miðborginni. Hópur hnífamanna réðst inn á skemmtistaðinn rétt eftir miðnætti í nótt. Að minnsta kosti þrír, menn um tvítugt, eru særðir eftir hnífaárásina.
Mikill viðbúnaður lögreglu var við skemmtistaðinn í nótt og þar á meðal fjöldi sérsveitarmanna. Vitni að árásinni segja að hnífamennirnir hafi hulið höfuð sitt og náð að flýja undan á bíl. Vopnaðir sérsveitarmenn fór inn á staðinn og slökkt á allir tónlist.
Þetta kemur fram í tilkynningu frá lögreglunni á höfuðborgarsvæðinu. Lögreglunni var tilkynnt um árásina klukkan 23:33 og var mikill viðbúnaður vegna málsins.
„Árásarmennirnir voru dökklæddir og með grímur, en þeir yfirgáfu skemmtistaðinn um leið og árásin var yfirstaðin. Talið er að þeir hafi verið innandyra í mjög skamman tíma, en leit að þeim hófst strax eftir að lögreglan kom á vettvang. Tugir lögreglumanna hafa komið að rannsókn málsins frá því í gærkvöld og nótt og hafa verið framkvæmdar allnokkrar húsleitir í þágu hennar. Fjórir hafa verið handteknir vegna málsins þegar þetta er ritað,“ segir í tilkynningunni.
Fréttin hefur verið uppfærð.
Athugasemdir