Vænta má dóms Lands­dóms í skotárás­ar­mál­inu á Egils­stöðum, eftir tvær vikur en málið var flutt fyrir dómnum í vik­unni.

Fram kemur í frétt Aust­ur­fréttar að hinn ákærði, Árnmar Guð­munds­son hafi skotið mál­inu til Lands­dóms síð­ast­liðið vor eftir að hafa verið dæmdur í átta ára fang­elsi af Hér­aðs­dómi Aust­ur­lands. Var hann sak­felldur af helstu ákæru­at­riðum, meðal ann­ars tveimur til­raunum til mann­dráps. Neitaði hann því bæði fyrir Hér­aðs­dómi og Lands­dómi.

Skotárásin gerð­ist að kvöldi 26. ágúst í fyrra. Dæmdi Hér­að­dómur Árnmar fyrir að hafa ógnað þáver­andi sam­býl­is­konu sinni með skamm­byssu á heim­ili þeirra í Fellabæ. Eftir það keyrði hann yfir í Egils­staði að húsi barns­föður sam­býl­is­kon­unnar þar sem hann réð­ist inn í húsið með hlaðið skot­vopn. Árnmar sagði fyrir rétti hafa ætlað að hræða mann­inn sem reynd­ist ekki heima. Synir hans tveir voru það hins vegar en þeim tókst að sleppa út en Árnmar skaut tvisvar sinnum úr byssu sinni í hús­inu. Lög­reglan mætti á svæðið fljót­lega og varð um klukku­tíma umsátur við húsið þar til Árnmar kom í dyra­gætt húss­ins og skipt­ist á skotum við lög­regl­una allt þar til lög­reglan hæfði hann í kvið­inn. Var hann fluttur með flýti með flugi á bráða­mót­tök­una í Reykja­vík þar sem tókst að bjarga lífi hans.

Fram kemur í fréttum Frétta­blaðs­ins og Mbl.is af rétt­ar­höldum vik­unnar að engin ný gögn hafi verið lögð fram í Lands­rétti. Á mið­viku­dag­inn voru spil­aðar upp­töku af vitna­leiðslu fyrir hér­aði en málið var flutt munn­lega í gær af ákæru­valdi og verj­anda.

Helsti ágrein­ing­ur­inn snýr að frá­sögn lög­reglu­manns­ins sem skaut Árnmar, líkt og í hér­aði en tækni­skýrslur lög­regl­unnar sýndu að hann hefði staðið á öðrum stað en hann hefði talið sig hafa staðið. Í grein­ar­gerð hljóð­sér­fræð­ings bendir einnig til þess að sú stað­hæf­ing að Árnmar hafi skotið fyrst eigi ekki við rök að styðj­ast, heldur hafi þeir skotið á sömu milli­sek­únd­unni. Árnmar hefur haldið því fram að hann hafi alls ekki ætlað sér að hæfa lög­regl­una, heldur hafi hann ætlað að láta hana skjóta sig.

Ákæru­valdið sagði í gær að það teldi 8-10 ár vera hæfi­legan dóm fyrir slíkan verknað en verj­andi Árnmars benti þó á að hann hefði sýnt mikla iðrun og að hann hefði verið fluttur yfir á Kvía­bryggju eftir að hafa sýnt af sér fyr­ir­mynd­ar­hegðun í fang­els­inu á Hólms­heiði.

Aust­ur­frétt spurði skrif­stofu Lands­réttar um það hvenær megi vænta nið­ur­stöðu í dómnum. Svarið var það að dómur skuli liggja fyrir eins fljótt og hægt er eftir aðal­með­ferð en þó ekki seinna en fjórum vikum eftir hana. Ef ekki þurfi jafn­vel að end­ur­taka hluta mál­flutn­ings­ins. Síðasta dóms­upp­kvaðn­ing Lands­réttar á árinu verður eftir tvær vikur og má því búast við því að dæmt verði í mál­inu í síð­asta lagi 16. des­em­ber.