Íslenskur húðlæknir vill banna ljósabekki: „Allt til að rugla okkur“

Húð­lækn­ir­inn Jenna Eysteins­dóttir vill að ljósa­bekkir verði bann­aðir.

Ljósa­bekkja­notkun er á upp­leið eftir að verið litin horn­auga und­an­farin 15 ár eða svo. Ljósa­bekkir eru bann­aðar yngri en 18 ára en þrátt fyrir það er lítið mál fyrir ung­linga að kom­ast í þá þar sem þeir eru sjaldan spurðir um skil­ríki. Jenna Eysteins­dóttir, húð­læknir, vill láta bannað ljósa­bekki.

„Við vitum að ljósa­bekkir valda húð­krabba­meini. Það er bara factað, það eru rann­sóknir á bak­við það og við vitum það öll­sömul. Þegar þetta kom fyrst fram á sjón­ar­sviðið héldu menn að þetta væri skað­laust fyr­ir­bæri. Svo fara gögnin að hrann­ast inn sem sýndu það gagn­stæða. Við vitum í dag hversu krabba­meins­vald­andi þetta er. Alþjóða­heil­brigð­is­stofnun er búin að skil­greina þetta sem krabba­meins­vald, líkt og reyk­ingar,“ sagði Jenna í Reykja­vík síð­degis. Þá sagði hún einnig að það sé verið að verið að blekkja ungt fólk með mark­aðs­setn­ingu ljósa­bekkja.

„Það er í raun verið að selja krökkum að þetta sé d-vítamín bæt­andi, að þetta sé collagen, að þetta séu græn ljós og eitt­hvað svo­leiðis. Þetta er í raun­inni allt til að rugla okkur, við verðum ekki brún nema verða fyrir útfjólu­blárri geislun. Ef húðin verður brún þá hef­urðu orðið fyrir útfjólu­blárri geislun og skaða á erfða­efn­inu í húð­inni. Þetta hrein­lega brýtur líka niður collagen og ela­stín og öldrun á húð­inni líka.“