Afmælisbarn dagsins er hvers manns hugljúfi en það er hin bráðfyndna og frábæra leik- og söngkona Ólafía Hrönn Jónsdóttir eða Lolla eins og hún er stundum kölluð. Um er að ræða stórafmæli en hún er sextug í dag.
Ólafía Hrönn útskrifaðist úr Leiklistaskóla Íslands árið 1987 og hefur síðan leikið í fjöldi hlutverka á sviði sem og í kvikmyndum og sjónvarpsþáttum. Þá er Ólafía Hrönn með ótrúlega fallega söngrödd en hún er meðlimur í hinni bráðskemmtilegu hljómsveit Heimilistónar ásamt öðrum leikkonum.
Mannlíf heyrði í Lollu hljóðið og spurði hana hvort hún ætlaði að halda upp á stórafmælið.
„Já, ég er í Edinborg með krökkunum mínum og tengdabörnum. Þetta er svona stutt ferð út af afmælinu, alveg yndislegt.“ svaraði hún hress.
En hvað er framundan hjá afmælisbarninu?
„Ég er að leika í Jólaboðinu og síðan Sjö ævintýri um skömm. Og svo eru jólatónleikar hjá Heimilistónum. Við vorum að gefa út nýja plötu.“
Mannlíf óskar Ólafíu Hrönn innilega til hamingju með afmælið!
Afmælisbarn dagsins
Össur á stórafmæli: „Ég fékk staup af ísköldu ákavíti í rúmið“
Jóhann Páll tekur því rólega í dag: „Ég er með afmæliskvíða, mér finnst mjög erfitt að eiga afmæli“
Haukur læknir og útivistargarpur: „Það er óvissudagur í boði eiginkonunnar“
Kristján Jóhannsson eyðir hádeginu með börnum sínum: „Einfalt, gott og hjartnæmt“
Karl Kristján Davíðsson á afmæli í dag: „Bara að slaka á með fjölskyldunni“
Athugasemdir