Lárus vildi aldrei verða bankastjóri: „Maður fær allt að því kjána­hroll yfir því“

Í heil fjórtán ár frá Hruninu hefur Lárus Welding, fyrr­ver­andi for­stjóri Glitnis, hvorki veitt við­töl né tjáð sig um aðdrag­anda og eft­ir­mála íslenska banka­hruns­ins. Nú hefur hann loks­ins stigið fram og opnar sig í nýrri bók, Uppgjör banka­manns.

Í bók­inni seg­ist hann sjálfur, og annað fólk sem starf­aði í bönk­unum, hafa unnið af heilum hug. Rúmlega þrí­tugur að aldri var hann skyndi­lega orð­inn banka­stjóri. „Ég er full­kom­lega sam­mála því að margt hefði mátt gera betur. Við vorum ekki nógu var­kár og fórum of geyst. En ég held samt að sú skýr­ing sé ekki alls kostar rétt að í ís­lensku banka­kerfi hafi slæmt fólk verið að verki,“ segir Lárus í sam­tali við Frétta­blaðið.

Þetta voru hrika­legir atburðir sem köll­uðu fram sterkar til­finn­ingar. En and­rúms­loftið hefur róast og þetta er speg­ill og saga sem hefur ekki verið sögð að mínu viti. Þetta er auð­vitað ó­trú­leg saga. Fyrir ein­hverja skrítna til­viljun er ég orð­inn banka­stjóri Maður fær allt að því kjána­hroll yfir því í dag. Og af því að við erum að tala um lær­dóm: þó að ég hafi fundið mig mjög vel í að vera banka­maður þá lærði ég það alla vega af þessu að mig langar ekki að verða banka­stjóri. Ég þarf þá ekki að elt­ast við það meir.“