Brynjar Joensen, maður á sextugsaldri, sem síðastliðið vor var dæmdur í sex ára fangelsi fyrir margvísleg kynferðisbrot gegn fimm stúlkum undir 15 ára aldri, er grunaður um margfalt fleiri brot.
Í vor var Brynjar ákærður í 17 ákærðuliðum en sýknaður í einhverjum þeirra. Ætluð brot Brynjars eru gífurlega umfangsmikil og sagði héraðssaksóknari að: „þetta væri eitt umfangsmesta kynferðisbrotamál sögunnar.“ Brynjars, fjölskyldufaðir á sextugsaldrim var dæmdur í sex ára fangelsi fyrir kynferðisbrot gegn 5 stúlkum á grunnskólaaldri.
Nú er Brynjar grunaður um brot gegn fleiri en 20 stúlkum undir 15 ára aldri. Hann hafði samband við stúlkurnar í gegnum samskiptaforritið Snapchat þar sem hann sendi þeim klámmyndir og fékk þær til að senda sér myndir. Þá fékk Brynjar ungu stúlkurnar til að nota kynlífshjálpartæki við kynlífsathafnir, taka upp myndbönd af þeim og láta senda honum. Honum var einnig gefið að sök að hafa nauðgað gegn stúlku í bíl og annarri á gistiheimli.
Elsta brot Brynjars er frá árinu 2018 en flest brotin voru framin á síðasta ári. Brynjar var handtekinn á vinnustað sínum, stóru heildsölufyrirtæki, þann 8. nóvember í fyrra. Hjá fyrirtækinu starfaði Brynjar við viðhald tækja og þjónustu við fyrirtæki, stofnanir og skóla. Lögreglan lagði hald á vinnubíl hans og var meðal annars notast við upplýsingar úr ökurita við rannsókn málsins. Brynjar var trúnaðarmaður fyrir sinn vinnustað hjá VR. Hann hefur tekið þátt í almenningshlaupum og hlaupið til styrktar góðum málefnum.
„Hann var hæglátur, pínu undarlegur. Utan við sig og erfitt að átta sig á honum. Lágmæltur,“ sagði vinnufélagi Brynjars hjá fyrirtækinu. „Brynjar var augljóslega undir einhvers konar álagi. Hann klessti vinnubíl illa og var stundum að bakka á eða keyra utan í. Eins og hann væri ekki með hugann við umhverfið. Núna veit maður hvað hann var að hugsa um. Ógeðslegt.“
Athugasemdir