„Hey Simmi. Það var hvorki 8 mín­útna mynd­band sem hann sá né nokk­urs konar fruss. Get your facts straight,“ segir Anna Karen Sig­urð­ar­dóttir, Only Fans stjarnan sem tók upp hið fræga klám­mynd­band í sjúkra­bíl í slökkvi­stöð­inni í Skóg­ar­hlíð­inni. Hún tók upp klám­mynd­band með slökkvi­liðs­manni inni í slökkvi­bíl en hann var rek­inn vegna mynd­bands­ins.

Athafna­mað­ur­inn Sigmar Vil­hjálms­son ræddi hið fræga mynd­band í nýjasta hlað­varps­þætti sínum og Huga Hall­dórs­sonar, 70 mín­útur. Þátta­stjórn­endur sögðu að þeim þætti við­brögð Slökkvi­liðs­ins á höf­uð­borg­ar­svæð­inu of harka­leg og Simmi stakk upp á að það hefðu verið dregin af honum laun fyrir þrif á sjúkra­bílnum:

Anna opnar sig um þetta á Instagram-reikn­ingi sínum og vill leið­rétta það sem kom fram hjá þeim félögum. Sjálf seg­ist hún vita hver hafi lekið umræddu klám­mynd­bandi úr sjúkra­bílnum og seg­ist aðeins hafa birt stutt brot úr því á Instragram.

Sjá einnig: Anna tók þátt í frægu klám­mynd­bandi í sjúkra­bif­reið­inni í Skóg­ar­hlíð

Anna Karen segir að sér þykir leitt að hafa tekið upp mynd­bandið í sjúkra­bílnum og óskar þess að geta tekið það til baka: „Mér dettur ekki í hug að draga úr alvar­leika máls­ins er varðar sjúkra­bíl­inn og vildi óska af öllu hjarta að ég gæti dregið það til baka. Ég tek ábyrgð á eigin gjörðum og þykir þetta leitt. Þetta hefði aldrei átt að eiga sér stað og ég vona að slökkvi­liðið end­ur­hugsi ákvörðun sína um að segja honum upp. En ég ætla ekki að sitja hérna þegj­andi án þess að benda á hræsn­ina.“