Óskar Hafsteinn Óskarsson, sóknarprestur í Hrunaprestakalli, leiðir söfnun fyrir móður tvítuga mannsins sem hvarf síðdegis á fimmtudaginn síðastliðinn. Lögregla hóf eftirgrennslan eftir manninum í Árnessýslu að beiðni aðstandenda.
„Samfélagið er eins og einn maður í svona,“ segir Óskar í samtali við DV en hvarf unga mannsins er mikið reiðarslag í strálbýlu byggðarlagi Árness. Presturinn staðfestir að aðstæður móðurinnar séu það erfiðar að hún þurfti á allri aðstoð að halda.
„Hún er með þrjú börn heima, tvö á grunnskólaaldri og eitt eldra. Hún býr í samfélagi okkar án fjölskyldu eða félagslegrar aðstoðar en þarf aðstoð okkar núna. Hún er að flytja í nýtt húsnæði sem hún keypti með aðstoð sonar síns en þar vantar eldhús sem þarf að fjármagna ásamt því að létta henni jólahald,“ segir í texta um söfnunina á Facebook-síðu Hrunaprestakalls.
„Fólk finnur til skyldu sinnar þegar svona kemur upp í litlu samfélagi. Samfélagið er eins og einn maður í svona. Fátt er hægt að hugsa sér nöturlegra,“ segir Óskar
Ef þú vilt styðja móðurina á þessum erfiðu tímum þá má finna reikningsupplýsingar hér fyrir neðan:
Athugasemdir