Konráð Egg­erts­son eða Hrefnu-Konni eins og hann er oft kall­aður, var nýlega í við­tali við Reyni Trausta­son. Hér er brot úr því en Konráð er með ein­dæmum skemmti­legur sagna­maður.

Enginn Davíð

„Það var þannig að Davíð Oddsson var for­sæt­is­ráð­herra og við báðum um fund með honum. Ég var for­maður í félag­inu í tutt­ugu ár, í Félagi hrefnu­veiði­manna. Og jújú, við mætum á fund­inn allir, bæði að norðan og austan og héðan og þaðan. Við mætum sem sagt upp í stjórn­ar­ráð og setj­umst þar niður. Og tím­inn líður og ekki kemur Davíð og svo er klukkan komin langt yfir tím­ann og aldrei kemur Davíð. Við spyrjum hvernig standi á þessu og þá segir síma­stúlkan, voða almenni­lega stúlka bless­unin, hún segir „Ég bara veit ekki, skil þetta ekki, þetta hefur aldrei gerst áður.“. Og tím­inn líður og svo kallar maður ofan af lofti, aðstoð­ar­maður Davíðs. Við spjöllum við hann en ákveðum að sitja bara þangað til Davíð kemur en það var ekki sam­þykkt. Þannig að við förum út í bíl og kveikjum á útvarp­inu og þá var Davíð á Stöð 2 eða ein­hvern and­skot­ann að tippa á eitt­hvað, þetta var áður en hann fór í fýlu við Jón Ólafsson. Þannig að við fórum allir heim, Davíð kom aldrei.“

En þar með líkur ekki frá­sögn Hrefnu-Konna af Davíð Oddssyni því dag­inn eftir fékk hann sím­tal.

Ástæðan

„Daginn eftir fæ ég sím­tal frá aðstoða­manni Davíðs. Hann segir mér af hverju hann hafi ekki mætt. Það var vegna þess að ég hafði sagt í útvarp­inu nokkrum dögum áður, það var nú ósköp mein­laust, ég sagði „Ég trúi því ekki að for­sæt­is­ráð­herr­ann viti ekki um hvað hann er að tala.“. Það var ekk­ert annað. Svo ég segi Matta frá þessu, Matta Bjarna, hann var ráð­herra á þessum tíma. Og hann segir „Svona gera ekki menn! Ég kem á öðrum fundi.“. Svo er ég lát­inn vita hvenær við eigum að mæta. Þegar ég kem inn í stjórn­ar­ráðið sitja þar þrír eða fjórir menn, svaka­lega vel klæddir, mér er svo minnistætt hvað þeir voru vel klæddir. Þeir voru í svörtum fötum í hvítri skyrtu með bindi. Þá eru þetta menn að bíða eftir Davíð. Svo opn­ast hurðin. Okkur er bent á að koma inn. Með okkur var lög­fræð­ingur okkar sem hafði verið lög­fræð­ingur hjá okkur í mörg ár. Mér fannst að hann ætti að hafa orðið fyrir okkur. Svo labba ég síð­astur inn. Hann tók í einn köggul á löngu­töng á mér en heils­aði öllum hinum með handa­bandi.“

Og þá hófst fund­ur­inn.

Fundurinn

„Og svo förum við inn og hann segir „Jæja, hver er í for­svari fyrir ykkur og hvað vantar ykkur? Það bíða hér fjórir menn hér frammi og ég hef engan tíma til að tala við ykkur.“. Og við horfum hver á annan og vitum bara ekki hvar við erum staddir. Og ég hélt að lög­fræð­ing­ur­inn okkar ætli að byrja en svo var ekki. Þá segi ég „Davíð, hvar er kon­íakskaraflan?“. Nú héldu strák­arnir að ég væri orð­inn end­an­lega vit­laus, það fatt­aði þetta eng­inn. Þá brosir Davíð. Djöfull var hann fljótur að fatta þetta. Ég var nýbú­inn að lesa bók­ina Nokkrir dagar án Guðnýjar sem hann skrif­aði. Og hló mikið og las hana meira að segja upp­hátt fyrir kon­una. Mikil og skemmi­leg bók.“

Konni sagði Reyni frá einni frá­sögn úr bók Davíðs þar sem kon­íakskaraflan kemur við sögu. Og hélt svo áfram með sög­una af fund­inum með for­sæt­is­ráð­herr­anum móðg­aða.

„Og þetta var nóg. Þarna vorum við allt í einu komnir með allt ann­ann mann í fangið. Hann fór að segja brand­ara og skellti sér á læri og hló. Við hlóum líka, enda þorðum við ekki öðru. En hann var skemmti­legur hel­vítis karl­inn. Og hann segir okkur sem sagt brand­ara og svona og þá skiptu menn­irnir sem biðu fram engu máli! Ég man nú ekki hvað við vorum að biðja um á fund­inum en hann tók vel í það en svo segir ég við hann „En Davíð, ert þú sjálfur, per­sónu­lega á móti hval­veiðum?“. Þá segir hann „Já“ og ég spyr af hverju það sé. „Það skal ég segja þér. Sko, Helmut Kohl, hann er vinur minn og hann er á móti hval­veiðum. Og svo er hann eins og búr­hvalur í útliti.“. Og svo hló hann og hló og við allir líka, alveg eins og hálf­vitar. Þegar ég fór út þá tók hann svona fast í hönd­ina á mér og hristi.“

Hægt er að hlusta á þetta bráð­skemmti­lega við­tal í heild sinni hér og hér.