Karlmaður lést nokkrum klukkutímum eftir útskrift af bráðamóttöku

Tæplega sex­tugur maður lést eftir útskrift af bráða­mót­töku Land­spít­ala milli jóla og nýárs, en þetta kemur fram á RÚV.

Kemur einnig fram að málið er rann­sakað sem afar alvar­legt atvik; hefur verið til­kynnt til Land­læknis sem og lög­reglu.

Maðurinn var hraustur, en hafði kennt sér meins; leit­aði því á bráða­mót­töku.

Samkvæmt heim­ildum frétta­stofu RÚV gekkst hann undir skoðun og rann­sóknir; var síðan útskrif­aður af bráða­deild – sendur heim.

Maðurinn lést aðeins nokkrum klukku­tímum síðar.

Land­spít­al­inn stað­festi við frétta­stofu RÚV að mál hafi komið upp á spít­al­anum sem sé rann­sakað sem afar alvar­legt atvik sem hafi verið til­kynnt til emb­ættis land­læknis og lög­reglu; eins og verk­lags­reglur kveða á um.

Ekki þótti ástæða til að halda mann­inum á spít­al­anum að rann­sóknum loknum, en í til­fellum sem þessum er til dæmis rann­sakað hvort sú ákvörðun hafi verið rétt miðað við þær upp­lýs­ingar sem lágu fyrir varð­andi sjúk­ling­inn; hvort rann­sóknir hafi verið full­nægj­andi eða hvort eitt­hvað óeðli­legt hafi mögu­lega átt sér stað; hvort starfs­fólki hafi mögu­lega yfir­sést eitt­hvað.