Vilja að bann við klámi verði afnumið – Viðhorf hafi gjörbreyst

Félaga­sam­tökin BDSM á Íslandi sendu inn umsögn við frum­varp Arndísar Önnu Krist­ín­ar­dóttur Gunn­ars­dóttur og Björns Levís Gunn­ars­sonar, þing­manna Pírata, en það var RÚV sem greindi fyrst frá.

Í áður­nefndu frum­varpi er lagt til að bann við klámi verði afnumið, enda hafi við­horf til kyn­lífs gjör­breyst á þeim 153 árum sem liðin eru frá því að klám var fyrst bannað á Íslandi.

Félaga­sam­tökin BDSM segja í umsögn sinni að of margir félags­menn hafa of lengi glímt við sjálfs­skömm vegna eigin kennda og lang­ana; BDMS-hneigðir fólks séu sjaldan ræddar nema á nei­kvæðan hátt eða í ein­hvers­konar háði; þetta eigi líka við um klám þar sem kyn­ferð­is­at­hafnir þeirra séu oft­lega taldar upp sem dæmi um ofbeld­isklám.

Samtökin vilja meina að flokkun af þessu tagi sé gagns­laus; ýti undir nei­kvæðar staðalí­myndir um BDSM; sé afar jað­ar­setj­andi fyrir BDSM-fólk.

Félaga­smtökin telja að lög sem banni fólki að birta eða dreifa myndefni af kyn­lífi – jafn­vel –  eigin kyn­lífi – sé ein­fald­lega tíma­skekkja sem ýti undir jað­ar­setn­ingu kyn­lífs­verka­fólks og tak­marki mögu­leika þeirra til að afla sér lífs­við­ur­væris á öruggan og lög­legan hátt.

Tekið er fram að besta mótefnið við skað­semi kláms sé öflug kyn­fræðsla á öllum skóla­stigum.