Harka er hlaupin í samn­ings­við­ræður milli Eflingar og Samtaka atvinnu­lífs­ins og stefnir í verk­föll á næst­unni. En hvað þýðir það fyrir sam­fé­lagið?

Félags­menn Eflingar eru um 25.000 – 30.000 og starfa á heil­mörgum sviðum atvinnu­lífs­ins og er þá um að ræða bæði innan einka­geirans og hjá opin­berum stofn­unum. Lang­flestir þeirra er á aldr­inum 20-39 ára en 80% félags­manna eru á almennum vinnu­mark­aði. Fari svo að Efling efni til í verk­falls er ljóst að áhrifin verða gríð­ar­leg fyrir íslenskt sam­fé­lag.

Stærstu vinnu­veit­endur innan Eflingar eru meðal ann­arra Reykja­vík­ur­borg, skipa­fé­lögin, Land­spít­al­inn, Kópa­vogs­bær og hin ýmsu ræst­inga­fyr­ir­tæki.

Sem dæmi um þær starf­stéttir sem gætu lagt niður störf, annað hvort að hluta til eða alveg eru starfs­fólk mötu­neyta og ræst­inga­fyr­ir­tækja. Einnig gætu leið­bein­endur á leiks­skólum farið í verk­fall sem og fólk sem vinnur við heima­þjón­ustu og sjúkra­stofn­unum. Aukreit­ist gætu félags­menn Eflingar sem vinna á sviði iðn­aðar, fram­leiðslu, flutn­inga, bygg­ing­ar­vinnu og fleira í þeim dúr, gert slíkt hið sama. Þá gætu einnig starfs­fólk veit­inga- og gisti­húsa lagt niður störf og örygg­is­verðir og starfs­menn dekkja­verk­stæða einnig, svo eitt­hvað sé nefnt.

Árið 2020 bar mikið á verk­föllum hjá félags­mönnum Eflingar sem hafði gríð­ar­leg áhrif á hina ýmsu kima sam­fé­lags­ins, þar á meðal á ferða­manna­brans­ann og umönn­un­ar­störf á borð við leik­skóla og sjúkra­stofn­anir. Sem dæmi má nefna að er Efling fór í 60 klukku­stunda verk­fall þann 11. febr­úar árið 2020, hafði það áhrif á rúm­lega 3.500 leik­skóla­börn og 1.650 not­end­ur vel­ferð­ar­þjón­ustu á höf­uð­borg­ar­svæð­inu.