Tröll frá Vestmannaeyjum hjóla í Eddu og saka um rasisma: „Líklegast börn sem sárnar umfjöllunin“

Bar­áttu­konan og hlað­varps­stjórn­and­inn Edda Falak er lík­leg­ast er orðin vön því að eiga við tröll á inter­net­inu, enda hafa þau fylgt henni um all­langt skeið. Óvenju­mörg tröll virð­ast nú samt hjóla í hana á Twitter og virð­ast þau flest frá Vest­manna­eyjum, í það minnsta virð­ast þau taka gagn­rýni á bæj­ar­fé­lagið per­sónu­lega. Ljóst er að mörgum Eyja­mönnum finnst ekk­ert athuga­vert við það að skessa Þrétt­ánda­gleð­innar hafi verið merkt henni, líkt og Mannlíf greindi frá um helg­ina.

Sjá einnig: Edda Falak var skessan: Rasískur og and­femíniskur Þrett­ándi í Vest­manna­eyjum: „Láta börn taka þátt“

Skessu­málið er þó ekki alveg búið því í dag bendir Edda á að skessan hennar lík­ist helst skrípa­mynd af manni frá Afríku, Svarta-Sambó eða Zwarte Piet frá Hollandi, svo dæmi sé tekið.

Önnur bar­áttu­kona Ugla Stefanía Krist­jönu­dóttir Jóns­dóttir tekur undir með Eddu og segir: „Þetta er auð­vitað bara ótrú­lega rasískt skraum­skæl­ing sem á sér ógeðs­lega sögu. Ótrúlega týpískt að fólk hér í komment­unum fatti bara ekki teng­ing­una og láti eins og þetta sé bara eitt­hvað drama.“

Líkt og Ugla vísar í þá er nokkuð margir nafn­lausir not­endur sem túlka þetta sem árás á Vest­manna­eyjar. „Hvað er að? Það er buið að gera grín af hverjum og rin­asta með þessum tröllum og það má ekki einu sinni gera smá grín við þig án þess að það verður allt brjálað?,“ skrifar einn til dæmis.

Annar reynir að snúa vörn í sókn og sakar Eddu sjálfa um ras­isma. Sá dregur fram skjá­skot af mynd sem Edda deildi á Facebook, að svo virð­ist árið 2016, af henni og vin hennar. Edda skrifar: „Me and my niggah“. Tröll telur þetta skák og mát og skrifar: „Getur sagt lítið.“

Ljóst er að eitt­hvað af þessum tröllum er undir lög­aldri. Til dæmis sá sem skrifar: „HVAÐ VILLTU MEIRA EN AFSÖKUNARBEIÐNI?“ Sá lendir í rifr­ildi við Heiðu nokkra og sakar hana um að drulla yfir krakka. Tekur því per­sónu­lega og því lík­lega sjálfur barn.

Fleiri taka eftir því að þessi tröll séu lík­lega flest börn frá Vest­manna­eyjum, líkt og Gummi nokkur. Hann segir þó börnin hafa gott af því að þurfa að svara fyrir skoð­anir sínar, eða að öllum lík­indum skoð­anir for­eldra þeirra.