Harrý Bret­landsprins át sig vel skakk­ann í partýi heima hjá Courteney Cox í Los Angeles. Segir prins­ins frá þess­ari fyndnu sögu í nýju bók­inni sinni Spare, sem allir og amma þeirra er að missa sig yfir.

NME segir frá því að Harrý segi frá því er hann gúbb­aði í sig súkkulaði sem inni­hélt töfra­sveppi í partýi heima hjá Friends-stjörn­unni Courteney Cox í Los Angeles. Áhrifin voru væg­ast sagt spaugi­leg.

Courteney Cox

Sagði prins­inn í bók­inni að Cox hefði verið „á ferða­lagi og verið sama þótt við dveldum heima hjá henni.“ Hafði Harrý að orði að sér, sem mik­ill Friends-aðdá­andi hefði þótt til­hugs­unin um að gista í húsi Cox „afar skemmti­lega.“

Í partý­inu tók Harrý eftir „risa boxi af sveppasúkkulaði í lag­inu eins og svartir dem­antar“ og að það hefði verið „handa öllum“ í veisl­unni. Sagðist hann hafa gripið slatta í lófann og gúbbað þeim í sig og skolað þeim niður með tequila. Og svo skrapp hann á kló­settið.

„Við hlið kló­setts­ins var kringlótt silf­ur­rusla­tunna með fót­stigi til að opna lokið. Ég starði á tunn­una. Tunnan starði á móti. Svo breytt­ist það í … höfuð. Ég steig á fót­stigið og höf­uðið opn­aði munn­inn. Stór opið glott,“ sagði Harrý í bók­inni. „Ég hló, snéri mér í burtu, piss­aði. Nú var kló­settið orðið að haus líka. Skálin var gap­andi skoltur þess. Lamir sessunnar voru sting­andi silfur­augu þess. Það sagði „Aaah“.“