Aron vill skotklukku: „Fáránlegt að það sé ekki komið – Myndi auðvelda líf dómara og leikmanna“

Þær geta verið flóknar leik­regl­urnar í hand­bolta; við­ur­kennir fyr­ir­liði íslenska karla­lands­liðs­ins, Aron Pálm­ars­son, að hann að skilji þær ekki alltaf.

Aron ræddi þetta og fleira í vef­þætt­inum Synir Íslands.

Þar var Aron spurður hvort hann hefði skiln­ing á öllum reglum íþrótt­ar­innar:

„Nei – ef þú kæmir með reglu­bók­ina væri ég ekki með allt upp á 10 þar. Það er alltaf sumt sem kemur manni á óvart,“ segir Aron og þá berst talið að skot­klukku, sem er ekki til staðar í dag í hand­bolta, en hefur verið við lýði í körfu­bolta í ára­tugaraðir og hefur reynst vel.

Aron er á því að skot­klukka myndi gera góða hluti fyrir hand­bolt­ann:

„Mér finnst eig­in­lega fárán­legt að það sé ekki komið, að setja þessa ábyrgð á dóm­ara. Það myndi auð­velda líf dóm­ara, leik­manna og þjálf­ara að fá skot­klukku.“