Mannlífi barst ábend­ing frá við­skipta­vini flug­fé­lags­ins Play sem hafði keypt flug­miða til og frá Tenerife. Vegna slyss komst hann ekki í ferð­ina en félagi hans vildi stökkva til og bauðst til að kaupa af honum mið­ann. Flug­mið­inn fram og til baka kost­aði 46,600 krónur en að auki var greitt fyrir far­angur 20,716 krónur. Heild­ar­miða­verð með far­angri var um það bil 67 þús­und.

Flug­fé­lagið Play sendi við­skipta­vin­inum þær upp­lýs­ingar að heild­ar­verð breyt­ing­ar­innar væru 28,998 íslenskar krónur. Samkvæmt gjald­skrá á heima­síðu flug­fé­lags­ins kemur fram að nafna­breyt­ing­ar­gjald er 12,999 krónur. Er því upp­hæðin 12,999 krónur greidd fyrir hvern flug­legg og að auki er rukkað 3,000 krónur í þjón­ustu­gjald.

Ef miðað er við miða­verð án far­ang­urs­ins, 46,600 krónur, nemur nafna­breyt­ingin með þjón­ustu­gjaldi því rúmum 62 pró­sentum.

Samkvæmt upp­lýs­ingum sem fund­ust um skil­mála Icelandair þá eru nafna­breyt­ingar ekki gerðar: „Nafna­breyt­ing er ekki leyfð eftir útgáfu miða nema vegna laga­legra ástæðna (s.s. kyn­breyt­ing eða nafna­breyt­ing við hjóna­vígslu) eða í inn­an­lands- og Græn­lands­flugi sem bókað var fyrir 16. mars 2021.“

Mannlíf leit­aði við­bragða hjá Play þar sem gegn­sæi breyt­inga­gjalds­ins er á reiki og erfitt fyrir við­skipta­vini að sjá að við bæt­ist þjón­ustu­gjald. Nadine Guðrún Yaghi, tals­maður Play, sendi Mannlífi svör:

• Hvernig eiga við­skipta­vinir að sjá að verðið mið­ist við hvern flug­legg í verð­skránni?

Öll gjöld mið­ast við einn flug­legg stendur skýrum störfum efst í verð­skránni. Þetta á við um alla þjón­ustu sem er listuð í verð­skránni. Þú kaupir t.d. hand­far­ang­urstösku og for­gang um borð á 8000 kr fyrir hvern legg.

• Hvaða vinna felst nákvæm­lega í nafna­breyt­ing­unni sem rétt­lætir að hún sé u.þ.b. 50% af and­virði miða­verðs­ins?

„Við hjá PLAY ákváðum að koma til móts við okkar far­þega með því að leyfa nafna­breyt­ingu. Það er hins vegar langt frá því að vera sjálf­sagt enda gríð­ar­lega flókið tækni­lega/kerf­is­lega og önnur flug­fé­lög sem við berum okkur saman við leyfa mörg hver ekki nafna­breyt­ingu. Þegar fólk óskar eftir nafna­breyt­ingu er það í raun að óska eftir því að samn­ingi sé rift og nýr gerður sem er flókið eins og fyrr segir.“

• Hvað er þjón­ustu­gjaldið nákvæm­lega og af hverju er það auka­lega ef nafna­breyt­inga­þjón­ustan er ekki inni­falin í nafna­breyt­ing­unni?

„Þjón­ustu­gjald er alltaf rukkað fyrir þjón­ustu sem þjón­ustu­verið okkar veitir og er 3000 kr. Hins vegar er hægt að gera mjög margt sjálfur á „mínum síðum“ og þannig sleppa við þjón­ustu­gjald.“