„Nú erum við búinn að selja Kirkju­stétt í Graf­ar­holti , okkar fal­lega hús sem stendur við ynd­is­lega nátt­úr­una í útjaðri borg­ar­innar, hér hefur okkur liðið vel en húsið var bara orðið og stórt fyrir okkur tvö og hund­inn Krumma svo við erum byrjuð að leita fyrir okkur með eignir í mið­borg­inni , í Þing­holtum, Hlíðum, og í vestr­inu en fátt um fína drætti.“ Svo byrjar ný Facebook-færsla Tolla Morthens, mynd­lista­manns.

Málarinn vin­sæli er sem sagt að leita að nýrri íbúð fyrir sig, kon­una, Gunný Magn­ús­dóttur og hund­inn Krumma, helst í miðbæ Reykja­víkur en sam­kvæmt Tolla hefur gengið brösu­lega að finna fýsi­legan kost.

„En þetta er spenn­andi og við farin að skoða eignir sem eru í fjarska ansi flottar , eignir í gömlum virðu­legum húsum og líta vel út á myndum.

En þegar nær er komið og maður kemur inn í íbúð­irnar sér maður að það er sitt­hvort myndir á netheimum og íbúð í raun­heimum , hve raki og fúki getur verið verið lúmskur á bak við pan­el­inn og hver allt skreppur saman miðað við hve voldug og skín­andi her­bergin eru á myndum,“ skrifar Tolli og bætir við: „Svo nokkur von­brigði hve sumar eignir í mið­borg­inni eru ein­fald­lega komnar til ára sinna , hrumar og úr sér gengnar nema verðið því það er alltaf skín­andi nýtt þótt það sé aug­ljóst hve það er skakt að hús sem komin eru yfir hund­rað ár og þarfn­ist mik­illa end­ur­bóta séu á sama verði og nýleg og ný hús og bara horft til stað­settn­ingar og fer­metra.“

Að lokum segir hann að þetta sé ekk­ert að draga hann niður, þvert á móti.

„En þetta er engin blues , þvert á móti bara áhuga­vert verk­efni og spenn­andi að leita okkur að eign „down town“ og sjá fyrir sér lend­ingu í kraum­inu í mið­borg Reykja­víkur.Ef ein­hver lumar á skemmti­legri eign eða veit af má hinn sami hvísla því upp í vind­inn svo það megi ber­ast í eyru mín.ást og friður.“