Gylfi er ekki sáttur við Kynnisferðir – „Yfirgengilegt okur“

„Flug­vall­ar­rúta – yfir­gengi­legt okur,“ segir Gylfi Páll Hersir inn á Facebook síðu sinni í gær.Þar rekur hann eft­ir­far­andi og er mjög ósáttur.

Ég fór í fyrra­dag til útlanda og keypti rútu­miða á BSÍ út á flug­völl, ferðin tekur 45 mín­útur. Miðinn kost­aði 4999 krónur, 25% dýr­ari en ef ég hefði keypt hann á net­inu (3899 krónur). Lest­ar­mið­inn frá Kastrup til Gauta­borgar kost­aði 7.000 krónur (230 km, tók rétt rúma 3 tíma). Rútan frá flug­vell­inum við Gauta­borg (Land­vetter) til borg­ar­innar kostar 1.500 krónur og tekur ferðin um 20 mín­útur (20 km). Ég hef farið víða, það er hvergi eins dýrt að taka flug­vall­ar­rútu og hér á landi. Kynn­is­ferðir greiða hlut­höfum mik­inn arð. Þrátt fyrir feita covid styrki í okkar boði við­gengst þetta dæma­fáa okur, græðgin á sér ekk­ert hóf.

Airport Direct bjóða einnig upp á ferðir milli Reykja­vík Terminal í Skóg­ar­hlíð til Leifs­stöðvar. Þeir inn­heimta ekki auka­lega fyrir það ef far­gjald er ekki keypt á net­inu.

Til sam­an­burðar má geta þess að ef fjórir ein­stak­lingar taka saman leigu­bíl frá Leifs­stöð til höf­uð­borg­ar­innar, greiða þeir fyrir það 19900 krónur. Það gera 5000 krónur fyrir mann­inn. Það er sama verð og Gylfi greiddi fyrir það að ferð­ast með rútu frá BSÍ og til Leifs­stöðvar.

Björn Ragn­ar­son for­stjóri félags­ins sendi okkur eft­ir­far­andi upp­lýs­ingar:

Það er hægt að velja í sjálfsal­anum bæði Flybus+ sem er með akstri á hotel og líka án þeirrar þjón­ustu sem er á kr. 3.899, þar er einnig hægt að kaupa fram og til baka og þá er hvort ferð á kr. 3.599. Ástæða þess að við erum með báðar vör­urnar í sjálfsal­anum er að stundum náum við í fólk á hotel án þess að það sé búið að bóka fyrir að hafa verið sótt. Þessi við­skipta­vinur hefur greini­lega ekki tekið eftir hinum val­kost­inum.

Árið 2015 var greiddur arður til hlut­hafa og hefur það ekki verið gert síðan. Árs­reikn­ingar félags­ins eru á rsk.is.

Fréttin hefur verið upp­færð