Magnús lýsir deginum í Barðavogi: „Hann reynir að taka í lappirnar en ég sparka í andlitið á honum“

Líkt og fram hefur komið í fréttum í dag var aðal­með­ferð í svo­kall­aða Barða­vogs­mál­inu tekið fyrir í Hér­aðs­dómi Reykja­víkur í dag. Þar var skýrla tekin af Magnús Aron Magn­ús­son, sem ákærður er fyrir að valda dauða Gylfa Begmanns Heim­is­sonar í júní í fyrra. Einnig var rætt við vitni í mál­inu sem og lög­regl­una sem kom að því.

Dómarar í mál­inu báðu Magnús að lýsa atvikum þennan dag.

Magnús: „Þennan dag í kringum sjö var ég að horfa á sjón­varpið ef ég man rétt en svo heyri ég boom boom boom og er for­vit­inn og opna aðeins hurð­ina. Gylfi er þarna, stendur þarna. Hann sagði „Nú þurfum við að ræða saman.“ Ég ýti honum út en honum líkar illa við það. Svo skalla ég hann og skalla hann aftur. Hann reynir að taka í lapp­irnar en ég sparka bara í and­litið á honum í stiga­pall­inum. Hann slær í loftið en hittir ekki þannig að ég reyni að slá en hitti ekki en sparka svo í mag­ann á honum. Hann tekur þá í hægri löpp­ina en ég held honum bara niðri. Svo opna ég hurð­ina og svo förum við báðir niður stig­ann og höldum áfram niðri. Mikið agressivt í gangi, mikil spenna, kýli hann í and­litið og mér skilst að ég hafi kjálka­brotið hann þá. Rota hann.“

Magnús seg­ist svo hafa farið upp til að klæða sig í bol en hann hafði farið úr að ofan í átök­unum því hann segir Gylfa hafa togað mikið í föt hans. Eftir það hringdi hann á neyð­ar­lín­una.

Verj­and­inn spurði Magnús hvernig hann hefði opnað hurð­ina þegar Gylfi bank­aði á dyrnar. Sagðist Magnús hafa opnað hurð­ina smá. Hann hafi vitað hver Gylfi var en ekki haft sam­skipti við hann áður. Þegar Magnús er spurður nánar út í upp­haf átak­anna seg­ist hann hafa stigið út úr íbúð sinni og það hafi laggst illa í Gylfa. Gylfi hafi kýlt hann fjórum sinnum í and­litið. Hann hafi svo „hróflað“ honum niður á næsta stiga­gang þar sem átökin hafi haldið áfram. Á ein­hverjum tíma­punkti hafi Magnús gefið Gylfa hné­spark í and­litið og ýtt honum niður. Þegar Gylfi hafi svo gripið í báðar ermarnar á Magnúsi hafi hann farið úr að ofan en síðan hafi hann „neyðst til að sparka í mag­ann á honum.“

Þegar þeir hafi svo verið komnir út úr rað­hús­inu og út á stétt hafi Gylfi stigið í átt að Magnúsi sem hafi þá kýlt hann í and­litið og rotað hann. Neitaði Gylfi að svara hvort hann hefði gert eitt­hvað við Gylfa eftir að hann rot­að­ist en síðar í rétt­ar­höld­unum sagð­ist hann ekki hafa gert honum neitt eftir það.

Þegar verj­and­inn spurði Magnús hvernig honum hafi liðið þennan dag svar­aði hann: „Ég var illa sof­inn og mjög þreyttur. Ég myndi segja að ég hafi ekki verið best settur til að eiga við eitt­hvað svona, á þeim tíma­punkti. Bara búinn að sofa í svona fjóra tíma.“