Páskaegggjunum mokað út – Þú færð fullan poka fyrir 2000 krónur

„Við höfum líka fundið meira fyrir því að fólk hefur bæði áhuga á að kaupa eftir páska ásamt því að margir hafa áhuga á að fá að vita hvað verði gert við páska­eggin sem ekki selj­ast og því gaman að prufa að bjóða fólki sér­stak­lega að koma og gera góð kaup og í leið­inni draga úr sóun,“ segir Alda Björk Larsen, mark­aðs­stjóri hjá Nóa Síríus.

Þó pásk­arnir séu liðnir er hægt að næla sér í páska­egg á góðu verði. Nói Síríus hefur ákveðið að blása til lag­er­sölu á óseldum páska­eggjum. Síðustu ár hefur Nói Síríus selt páska­eggin með afslætti ásamt því að selja eggin í versl­anir erlendis. En nú vilja þeir leyfa lands­mönnum að nýta sér þetta og gera góð kaup.

„Það er alla­vega alveg þess virði að líta við á þessa frumraun hjá okkur í þessu með lag­er­söl­una og hægt að gera góð kaup, 2000 krónur fyrir veg­legan poka sem þú kemur slatta fyrir í,“ bætir hún við.

Lag­er­salan verður fimmtu­dag­inn 4. maí á lager Nóa Síríus, Hest­hálsi 2-4, á milli k.16 og 18. Þátt­tak­endur fá poka við inn­gang­inn og mega fylla pok­ann fyrir aðeins 2.000 kr!