Lögreglan varar við fjársvikum – Tilkynning!

Lög­reglan á höf­uð­borg­ar­svæð­inu varar við fjársvikum í nýrri til­kynn­ingu.

Til­kynn­ingin er eft­ir­far­andi:

Lög­reglan á höf­uð­borg­ar­svæð­inu varar við fjársvikum sem fel­ast í því að fyr­ir­tæki óska eftir að stofna til reikn­ings­við­skipta með úttekt­ar­heim­ild, sím­leiðis eða með tölvu­pósti. Vörur eru svo pant­aðar og sóttar en reikn­ingar ekki greiddir.

Við þessi fjár­svik hafa óprút­tnir aðilar not­fært sér annað hvort fyr­ir­tæki með gott láns­hæf­is­mat sem þeir hafa nýverið tekið yfir eða fyr­ir­tæki sem þeir hafa sagst eiga eða starfa fyrir, sem þeir koma ekki að með neinum hætti í raun.

Rekstr­ar­að­ilar þurfa því að vera vak­andi fyrir því og kanna hvort það fyr­ir­tæki sem vill kom­ast í reikn­ings­við­skipti hefur nýverið skipt um eig­endur, fram­kvæmda­stjóra, pró­kúru­hafa eða stjórn­ar­menn.

Ef til stendur að heim­ila reikn­ings­við­skipti er það góð regla að hafa alltaf sam­band sím­leiðis við fyr­ir­tæki í gegnum opin­ber­lega skráð síma­númer fyr­ir­tæk­is­ins en ekki það síma­númer sem gefið er upp í t.a.m. tölvu­pósti.

Þá eru grun­sam­legar þær beiðnir sem ber­ast úr net­fangi með Gmail-end­ingu en ekki með end­ingu sem vísar til nafns fyr­ir­tæk­is­ins. Það er einnig góð regla að afhenda ekki vörur til sendla á vegum fyr­ir­tækja sem nýlega hafa stofnað til reikn­ings­við­skipta og sam­skipti hafa ein­ungis farið fram við í gegnum tölvu­pósta.