Dagur snýr aftur eftir heimsókn til Lviv: „Ég er stoltur af því að Reykjavík efli nú þessi tengsl“

Dagur B. Egg­erts­son borg­ar­stjóri er ánægður með heim­sókn sína til Lviv í Úkraínu. Hrósar hann hug­rekki og bar­áttu­þreki úkra­ínsku þjóð­ar­innar.

Borg­ar­stjór­inn birti færslu í morgun og ljós­myndir þar sem hann segir stutt­lega frá heim­sókn sinni til úkra­ínsku borg­ar­innar Lviv. Í ferð­inni var skrifað undir vina­borg­ar­sam­starf Reykja­víkur og Lviv en einnig var komið á teng­ingu á milli stoð­tækja­fyr­ir­æk­is­ins Össurar og úkra­ínsku borg­ar­innar og skrifað undir samn­ing því til stað­fest­ingar. Færsluna má lesa hér að neðan:

„er að ljúka áhrifa­ríkri og eft­ir­minni­legri heim­sókn til Lviv í Úkraínu. Reykja­vík og Lviv skrif­uðu þar undir form­legan samn­ing um vina­borg­ar­sam­starf. Við fórum víða, heim­sóttum end­ur­hæf­ing­ar­spít­ala borg­ar­innar og lögðum blóm á nýteknar grafir fall­inna her­manna við sér­staka athöfn. Hluti af dag­legum verk­efnum Andriy Sandovyi borg­ar­stjóra er að vera við jarða­farir her­manna úr borg­inni. Það gerir hann nán­ast dag­lega og oft eru þær fleiri en ein.

Eitt meg­in­mark­mið ferð­ar­innar var að koma á teng­ingu milli stoð­tækja­fyr­ir­tæk­is­ins Össurar og Lviv og var skrifað undir sér­stakan samn­ing því til stað­fest­ingar. Það gleður mig mjög. Það er erfitt að færa í orð hug­rekki og bar­áttu­þrek Úkra­ínsku þjóð­ar­innar. Því miður eru allt útlit fyrir að áfram muni reyna á það næstu mán­uði og miss­eri. Ég er stoltur af því að Reykja­vík efli nú þessi tengsl og bind miklar vonir við gagn­kvæma sam­vinnu og vin­áttu. Meira síðar.“