Læknar óttast dreifingu lífshættulegrar kvefpestar: „Veldur alvarlegum veikindum og jafnvel dauða“

Læknar um allan heim ótt­ast hraða dreif­ingu lífs­hættu­legrar veiru­sýk­ingar sem kölluð er Human metap­neumovirus eða HMPV. Einkenni veirunnar eru svipuð Covid og inflú­ensu en getur reynst ein­stak­lingum í áhættu­hópum lífs­hættu­leg.

„Þetta er ein af þremur algeng­ustu veiru­sýk­ingum sem við sjáum í börnum og öðrum áhættu­hópum sem liggja alvar­lega veik á sjúkra­húsi. Vírusinn dreif­ist hratt og veldur alvar­legum veik­indum og jafn­vel dauða hjá öldruðum, börnum og þeim sem eru með bælt ónæm­is­kerfi, “ segir banda­ríski barna­lækn­ir­inn John Williams.

Mikil aukn­ing hefur verið á grein­ingu veirunnar síð­ustu ár og er hún orðin álíka algeng og RS vírus­inn. Einkenni hennar eru nefrennsi, háls­bólga, hósti og hæsi. Í alvar­legri til­fellum geta ein­kenni verið erf­ið­leikar með anda­drátt, lungna­bólga og berkju­bólga. Algeng­ast er að fólk nái fullri heilsu á viku.

Almennt er mælt gegn því að umgang­ast ein­stak­linga í áhættu­hópum þegar flensu­lík ein­kenni eru til staðar.