Valdimar nokkur skrifaði færslu á Facebook sem vakið hefur athygli. Þar kvartar hann yfir hroka og tillitsleysis vagnstjóra Strætó.
Segir Valdirmar frá því er hann varð vitni að því er vagnstjóri í strætisvagni númer fjögur keyrði á brott án þess að gefa hreyfihamlaðri konu tækifæri til að skipta úr vagni númer eitt og yfir í fjögur.
„Saldan hef ég orðið jafn svekktur og hissa á Stætó eins og í kvöld. Þannig lá að ég var að koma utan úr Hafnarfirði á nr 1 sem er ekki í frásögur færandi. En á Kópavogshálsinum er skiptistöð.
Þegar þar að kom á að vera hægt að skipta í nr 4. Með frekju og hlaupum tókst mér það en vagninn var á réttum tíma samkvæmt minni klukku. En en ekki var við það komandi að vagnstjórinn tæki tillit til hreyfihamlaðrar konu en það hefði kostað hann 20 sekúndur og varla það. Hún varð að híma eftir á biðstöðinni næsta hálftímann vegna hroka og tillitleysis vagnstjóra. Honum bar að yfirgefa á sekúndunni. Strætó á að þjóna dyntum starfsmanna en ekki farþegum.“
Færslan fékk mikla athygli en fjölmargir tjáðu sig um hana í athugasemdum. Þar á meðal Jón nokkur. „Mér finnst meiren sjálfsagt að klaga hann. Þú hefur bæði númer og tímasetningu á vagninum og maðurinn því auðfundinn. Svona kónar eiga að fá strangt tiltal – og ef þeir láta ekki skipast, þá á að reka þá. Þetta er gersamlega óverjandi framkoma.“
Athugasemdir