Sleppur við refsingu fyrir endurteknar líkamsárásir sökum aldurs: „Sparkað og kýlt í höfuð og maga“

Dómur féll nýlega yfir íslenskum karl­manni sem ákærður var fyrir þrjár lík­ams­árásir.

Fyrsta árásin átti sér stað í júní 2021. „Slegið hann með kúst­skafti úr áli í höfuð, og sparkað og kýlt brota­þola í höfuð og maga, með þeim afleið­ingum að hann hlaut mar hægra  megin  á  hnakka,  mar  á  augn­loki  vinstra megin,  skrámur  og  bólgur  í  and­liti  og eymsli yfir hægri kjálkalið,“ segir í lýs­ingu í dómi Hér­aðs­dóms Reykja­víkur.

Tveimur mán­uðum tók mað­ur­inn aftur af skarið og veitt­ist að öðru fórna­lambi. „slegið hann tveimur höggum í höfuð með kylfu, með þeim afleið­ingum að hann hlaut lófa­stóra kúlu aftan á hnakka.“

Síðasti liður ákærunnar snýr að lík­ams­árás sem átti sér stað síð­ast­liðið sumar, við hring­torg á Vest­ur­lands­vegi. „Slegið hann  með  krepptum  hnefa í and­lit, með þeim afleið­ingum að  hann hlaut nokk­urra senti­metra skurð í neðri vör, svo sauma þurfti níu spor í vör­ina.“

Maðurinn ját­aði brotin fyrir dómi. Horft er að end­ur­tek­inni hátta­semi hans til refsi­þyng­ingar. Hann var yngri en 18 ára þegar fyrri tvö brotin voru framin, og nýlega orð­inn 18 ára þegar það síð­asta var framið. Sökum ungs ald­urs var ákvörðun refs­ingar frestað og fellur niður að tveimur árum liðnum, haldi mað­ur­inn skil­orði.