Reitt fólk á Reykjanesi: „Vil ekki að menn leggi mottur á gólfið og biðji til Allah með betlibauk“

Harðar umræður eru í Facebook-hópnum Reykja­nes­bær – Gerum góðan bæ betri.

Þar er rætt um útlend­inga á heldur nei­kvæðum nótum.

Nafnlaus með­limur hóps­ins – Anonymous mem­ber – startar umræð­unni með eft­ir­far­andi færslu:

„Eru fleiri konur í bænum farnar að snið­ganga ákveðnar mat­vöru­versl­anir vegna áreitni frá karl­kyns flótta­mönnum? Ég er farin að upp­lifa mikið óör­yggi að fara ein í búð þar sem ég hef verið elt og það hefur verið kallað ýmis­legt á eftir mér á meðan ég geng með barn­inu mínu í eða úr versl­unum. Eru ein­hverjir fleiri að upp­lifa svona?“

Nafn­lausa konan fær mikil við­brögð; nálægt 100 manns hafa skrifað athuga­semd við færsl­una – og flestar eru athuga­semd­irnar afar ljótar, og hér er ekki sterkt til orða tekið. Vissu­lega er þó að finna inn á milli athuga­semdir þar sem fólk bendir á neyð flótta­manna og almennt erf­iða stöðu.

Skoðum nokkur ummæli, en ein­ungis er birt for­nafn þeirra er skrifa athuga­semdir:

Ragna

„Ég hef ítrekað verið að lenda í þessu og þori því miður ekki i búð­irnar ein lengur; ég hef verið króuð af þeim inni horn og þeir segja alls­konar dónasiði, biðja um númer, hvar ég ætti heima og svo fram­vegis. Sann­leik­ann sagt er ég orðin skít hrædd.“

Jóhanna

„Sama hér, hef líka verið elt að bilnum minum og hann ætl­aði ekk­ert að taka nei­inu minu.“

Hulda

„Mér finnst skelfi­legt að versla í Bónus suma dag­ana, full af dóna­legum og rudda­legum Múslimum sem halda að þeir eigi búð­ina, mig langar stundum að garga á þa.“

Sólrún

„Múslimum? Og þú ert bara alveg með á hreinu hverrar trúar þeir eru?“

Ómar

„Af hverju blanda trú­ar­brögðum inn i þetta, til eru dóna­legir kristnir menn lika.“

Jasmina

„En hafið þið farið snið­ganga ákveðna bari og veit­inga­staði því þið fáið ekki frið fyrir íslenskum mönnum? Ég hef unnið á slíkum stöðum. Ótrúlegt hvað margir íslenskir kallar hafa reynt við mig að ég fékk ekki frið. Gift með börn og alles.“

Aron

„Vinnu­mála­stofnun er að vinna hratt og örugg­lega að þvi að breyta Reykja­nesbæ í ghetto og lækka fast­eigna­verðið.“

Ingibjörg

„Mér líkar alls ekki að menn leggi mottur sínar á gólfið og biðji til Allah með betli­bauk fyrir framan sig og segj­ast eiga konu og börn heima.“

Mun fleiri athuga­semdir er að finna í þræð­inum; ljóst er að ólga er í Reykja­nesbæ vegna þessa.