Bandaríska dómsmálaráðuneytið hefur nú gefið út ákæru á hendur fyrrverandi Bandaríkjaforseta, Donald Trump.
Voru þetta orð sem Donald Trump lét falla í færslum á samfélagsmiðlinum Truth Social í gær.
Áðurnefnd ákæra snýr að meðhöndlun leynilegra gagna eftir að forsetatíð Trumps lauk; sérstakur saksóknari hefur haft gögn undir höndum sem Trump bjó yfir til rannsóknar eftir að FBI gerði fleiri en þrjú hundruð leynileg skjöl upptæk á heimili hans í Mar-a-Lago í ágúst síðastliðnum.
Fjölmiðlar vestanhafs hafa greint frá því að í ákærunni felist að allavega sjö ákæruliðir; fréttastofan Reuters hefur eftir heimildarmönnum sínum að auk meðhöndlunar leynilegra gagna sé Trump einnig ákærður fyrir að hindra framgang réttvísinnar.
Mun þetta vera í fyrsta sinn í sögu Bandaríkjanna sem forseti, sitjandi eða fyrrverandi, stendur frammi því að vera ákærður fyrir glæp á alríkisvettvangi.
Eins og lítt kemur á óvart þá hafnar Trump öllum ásökunum, og í færslu á samfélagsmiðlinum Truth Social í gær sagðist hann vera blásaklaus maður.
Joe Biden Bandaríkjaforseti var spurður í gær um það hvernig bandaríska þjóðin gæti treyst því að dómsmálaráðuneytið væri óháð í máli Trump.
Sagði Biden að hann hefði aldrei haft áhrif á hvað ráðuneytið geri þegar að því komi að gefa út ákærur.
„Ég er heiðarlegur,“ sagði hann.
Trump sækist eftir endurkjöri til forseta Bandaríkjanna í kosningum á næsta ári.
Búist er við því að Trump verði leiddur fyrir dómara í Miami á þriðjudag.
Athugasemdir